Bakı/11.02.19/Turan: Bu gün Bakı Apellyasiya Məhkəməsində "Müsəlman Birliyi" Hərəkatının fəalı, inzibati qaydada 15 sutka həbs edilmiş Bəxtiyar Bağırovun şikayətinə baxılıb.
Mülki geyimli şəxslər onu fevralın 6-da saxlasalar da həbsə alındığı tarix fevralın 11-nə sənədləşdirilib. Həmin gün Nərimanov Rayon Məhkəməsi onu xırda xuliqanlıq ittihamı ilə 15 sutkalığa həbs edib.
O, bugünkü prosesdə deyib ki, dostu ilə çayxanada otururmuş, naməlum şəxs telefon edərək deyib ki, onu 6 saylı koloniyada cəza çəkən dini fəal Əhsən Nuruzadə göndərib. "O görüşməyi xahiş etdi. "Araz" marketin yanında görüşdük. Ancaq orada məni saxladılar, maşına oturtdular və DİN Baş Mütəşəkkil Cinayətkarlıqla Mübarizə İdarəsinə apardılar", - B.Bağırov bildirib. Onun sözlərinə görə, orada onu 6 gün saxlayıblar.
Məhkəmədə bildirilib ki, B.Bəxtiyarov küçədə təhqiramiz ifadə işlədib, ona görə də saxlanılıb.
B.Bağırovun sözlərinə görə, onu dostu Fikrəm Məmmədovun yanında saxlayıblar. F.Məmmədov baş verənlərlə bağlı DİN-in 102 xidmətinə və ombudsman aparatına məlumat verib. 6 gün ərzində B.Bağırovun doğmalarına onunla bağlı heç bir məlumat verməyiblər. Hətta KİV-lər B.Bağırovun yoxa çıxdığını yazıblar.
Vəkil Cavad Cavadov həbs olunanın dostu F.Məmmədovun məhkəmədə dindirilməsi, "Araz" market və ətrafdakı digər obyektlərdəki videoyazılara baxılması barədə vəsatət qaldırıb.
Lakin vəsatətlər təmin edilməyib.
B.Bağırov deyib ki, məhkəmədən öncə beş gün, məhkəmədən sonra isə bir gün onu BMCMİ-də saxlayıblar. Həbsə səbəb kimi işgəncələr və cəzaçəkmə müəssisələrindəki işgəncələr barədə sosial şəbəkələrdə yazılarını göstəriblər. Mənim videomüraciətimdən sonra 5-6 nəfər məni döydü", - B.Bağırov deyib.
Hakim Həsən Əhmədov qısa məşvərətdən sonra şikayəti təmin etməyib.-06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz