Dini komitə fəaliyyət istiqamətlərini açıqlayıb

Dini Qurumlarla iş üzrə Dövlət Komitəsinin (DQDK) sədri Elşad İskəndərov 2014-cü il üçün qururmun fəaliyyət istiqamətlərini açıqlayıb. 

Bu sırada din-dövlət münasibətlərinin tənizmlənməsi, radikal və dini nifrət yayan cərəyanlara qarşı uyğun tədbirlərin görülməsini, dini icmalar və cəmiyyətdə milli-mənəvi dəyərlər sahəsidnə maarifçiliyi, tolerantlıq ənənələrinin gücləndirilməsini, dini icmaların cəmiyyətə inteqrasiyasını göstərib. 

2013-cü ildə dini fəaliyyət sahəsində Bakı və rayonlarda köhnə məscidlərin bərpası, yeni məscid komplekslərinin açılışı nbümunə olaraq qeyd edilib. Bakı və Azərbaycan Yeparxiyasının Pravoslav Dini-Mədəniyyət Mərkəzinin açılışı “din sahəsində əlamətdar tarixi hadisə” adlandırılıb. 

Keçən il din-dövlət münasibətləri çərçivəsində dini qurumlardakı problemlərin həlli, milli-mənəvi dəyərlərin inkişafı yönündə 150-dən artıq tədbir keçirib. İnsan hüquqları sahəsində 30-dan artıq tədbir icra olunub. 

  Ölkənin bütün bölgələrində fəaliyyət göstərən icma sədrləri, din xadimləri, ictimaiyyət fəalları üçün "Dövlət-din münasibətləri və maarifləndirmə işi" mövzusunda regional konfranslar keçirilib. Bu konfransların yekunu olaraq 

2013-cü il oktyabrın 2-də Bakıda "Dövlət-din münasibətləri və maarifləndirmə işi" mövzusunda respublika konfransı reallaşdırılıb. 40-dan çox dini icma ilk dəfə olaraq "Dini icmaların sosial layihələrinə dəstək proqramı"na cəlb edilib.-05D-