Dini rəhbərlər ilk dəfə Azərbaycan sufiliyinin genealogiyasını müzakirə ediblər
Oktyabrın 1-dən Oğuz rayonunda başlayan “Dövlət-din münasibətləri və maarifləndirmə işi” mövzusunda iki günlük seminar-treninq çərşənbə axşamı bitib.
Dini Qurumlarla iş üzrə Dövlət Komitəsindən Turan-a verilən məlumata görə, treninq dini komitə, İslam Konfransı Gənclər Forumu Avrasiya Regional Mərkəzi (İKGFARM) ölkənin şimal-qərb bölgəsində fəaliyyət göstərən dini icma başçıları, imam və axundlar, fəal dindar və ilahiyyatçılar üçün təşkil edib.
Bakı İslam Universiteti Zaqatala şöbəsinin müəllimi Əhməd Niyazov Azərbaycan sufiliyinin yaranışı, tarixi və genealogiyası haqda danışıb. Cərəyanın Qafqaz regionunun mənəvi inkişafındakı rolu qeyd edilib. Bu cərəyanın formalaşmasında İmam Cəfər Sadiqin müstəsna xidməti vurğulanıb. Şimali Qafqazda müridlik hərəkatı ilə bağlı faktlar nəzərə çatdırılıb.
Tarixin bütün mərhələlərində Azərbaycanın din sahəsində yaranan tələbatını daxili resurslar hesabına təmin etdiyi, digər ölkələrdə isə ictimai fikir, dini ənənə və təsisatların formalaşmasına töhfələr verdiyi vurğulanıb. Hazırda Şimali Qafqazdakı dini radikallığın Azərbaycana sirayət edərək islamın aliliyinə zərbə vurduğu, bu ideya daşıyıcılarının ölkədə söz sahibinə çevrildiyi xatırladılıb. Belə meyllərin qarşısının alınmasının zəruriliyi xüsusi qeyd edilib.
İKGFARM rəhbəri Elçin Əsgərov bu məsələyə xüsusi toxunub. İstər dünya, istərsə də ürfan elminə Azərbaycan zəka sahiblərinin xidmətlərindən danışılıb. Mərkəz rəhbəri 70 illik sovet rejimi dövründə ənənələrin qırıldığını söyləyib. Nəticə olaraq xaricdən Azərbaycana yerli ənənələrə zidd ənənələr gətirilməsi səylərinə diqqəti cəlb edib. Azərbaycan dindarları qarşısında öz dini ənənələrini öyrənmək, bərpa etmək, zərərli xarici təsirləri rədd etmək kimi vəzifə durduğu nəzərə çatdırılıb. -05D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz