Dövlət başçısı İlham Əliyev paytaxtın Binəqədi rayonunda tikilən məsciddə tamamlanma işlərilə tanış olub. Bu haqda dövlət başçısının saytı məlumat yayıb.
Dövlət başçısına tikintinin başa çatması, hazırda tamamlanma işlərinin aparılması ilə bağlı məlumat verilib. Yeni məscid 12 min kv.metr sahəni əhatə edir. Məscidin fasadında aparılan işlər başa çatıb, 95 metr hündürlüyündə olan 4 minarənin tikintisi tamamlanıb.
Məscidin fasadı Şirvan-Abşeron arxitektura stilinə uyğun üzlənib.Tikintinin gedişində bəzək işləri xüsusi ustalıqla başa çatdırılıb. Məscidin içindəki 4200 kv.metr sahədə də tamamlanma işləri başa çatmaq üzrədir. Günbəzlərin kənarlarına “Quran-i-Kərim”dən ayələrin yazılması kimi işlər də başa çatıb. Əsas günbəzin hündürlüyü 55, ikinci günbəzin hündürlüyü 33 metrdir.
Sonda dövlət başçısı məscidin tamamlanma işlərinin yüksək keyfiyyətlə həyata keçirilməsi haqda tapşırıq və tövsiyələrini verib.-05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz