Dini Qurumlarla İş Üzrə Dövlət Komitəsi Azərbaycandakı "sələfi" adlandırılan dini qrupların KİV-də yaydığı qarşılıqlı ittihamlarla bağlı bəyanat yayıb. Dövlət Komitəsindən Turan-a daxil olan bəyanatda deyilir ki, son günlər özlərini "sələfi" adlandıran dini qrupların bir sıra nümayəndələri arasındakı qarşılıqlı ittihamların KİV-də və sosial şəbəkələrdə yayılması müşahidə edilir.
Qurumun apardığı monitorinqin nəticələrinə əsasən "fətva" xarakterli ittihamlar və sözügedən qruplaşmaların digər hərəkətləri ölkədə mövcud olan tolerantlıq mühitinə ziddir, insan hüquqlarının pozulması, cəmiyyətdə çaşqınlıq yaradılması ilə müşahidə olunur.
“Bu səbəbdən sözügedən gərginliyin hansı zəmində yaranmasından asılı olmayaraq, ölkədəki mövcud dini duruma və respublikanın beynəlxalq imicinə mənfi təsir göstərir”, - bəyanatda deyilir.
Eyni zamanda qurum sözügedən açıqlama və materialların dini duruma birbaşa mənfi təsirini, qarşılıqlı ittihamların kifayət qədər ciddi olduğunu və hüquqi qiymət verilməsinə zərurətin yarandığını nəzərə alaraq, eyni zamanda həmin materiallarda dini zəmində nifrət və ədavətin yayılmasına zəmin olmasını, dini dözümsüzlüyə rəvac verilməsini və Azərbaycan vətəndaşlarının xarici ölkələrdəki hərbi münaqişələrə cəlb edilməsinə çağırış olmasını müəyyənləşdirmək məqsədilə monitorinq aparır. Monitorinqin və təyin olunmuş dinşünaslıq ekspertizasının nəticələrinə uyğun olaraq, Dövlət komitəsi tərəfindən bütün zəruri addımlar atılacaq.-16D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz