Saatlı rayon İH başçısı sahibkara zülm edir

Sahibkar Ağavəli Həsənov Saatlı rayon İcra Hakimiyyətinin başçısı Siraqəddin Cabbarovun qanunsuz hərəkətlərindən cana doyub. 

Ölkə prezidentinə yazdığı məktubda (кsurəti müvafiq dövlət və hökumət orqanlarına göndərilib) o bildirir ki, Cabbarov rayona başçı təyin edildiyi 6 ildəonun sahibkarlıq fəaliyyətini məhv edib. «Siraqəddin Cabbarov başçı təyin olunduqu zaman məni çağırıb dedi ki: “işləmək istəyirsənsə, hər ay mənə 10.000 manat pul verməlisən!” Bildirdim ki, buna mənim imkanım yoxdur. Bu görüşdən sonra başıma gələnləri dəfələrlə sizə bildirmişəm heç bir məntiqli cavab almamışam. Heç bir kəs Siraqəddin Cabbarovun bu özbaşnalıqına qarşı çıxmır. Hamı onun arxasında durandan qorxur. Sizin qorxunuz mənim kimi insanlara zülm edilməsinə şərait yaradır və sizi bu zülmə şərik edir” deyə o yazır. 

Onun sözlərinə görə, İH başçısının tapşırığı ilə inkubatorumun pəncərələrini mişar daşı ilə hörürblər. Havasızlıqdan yüz minlərlə cücə tələf olub. Şikayətlərinə baxılmayıb və bu səbəbdən cəzasız qalmış Siraqıddin Cabbarov daha da harınlayaraq inkubatoru avadanlıqla birlikdə buldozerin tırtılları altında məhv edib. Saatlının Novruzlu kəndində yerləşən “Bolluq” MMC-nin rəhbəri əyanilik üçün buldozer tırtılları altında məhv edilmiş inkubatorun quşçuluq stansiyasının abad binasının foto şəkillərini əlavə edib. 

“Bolliuq” MMC-yə vurulan maddi ziyan 200.000 manatdan artıqdır. “Siraqəddin Cabbarov vəzifədən sui-istifadə edərək məhkəməyə də təzyiq edir”, - deyə Həsənov yazır. 

Sahibkar dövlətin ədalətinə inanır və onunla bu telefonla əlaqə saxlanmasını təklif edir +994 55751 75 65. --17D—