![Dünən xarici dairəvi yolda baş vermiş yol qəzası nəticəsində iki nəfər həlak olub](https://turan.az/resized/media/2012/main/102500015957-750-500-resize.webp)
Dünən xarici dairəvi yolda baş vermiş yol qəzası nəticəsində iki nəfər həlak olub
Çərşənbə günü Bakının Yasamal rayonu ərazisində xarici dairəvi yolda baş vermiş zəncirvari qəza zamanı 2 nəfər həlak olub. Bu barədə FHN məlumat verib.
Rəsmi məlumata görə, “Mercedes”, VAZ, “Opel”, “Tofaş” minik avtomobilləri və “Qazel”, “Ford” yük maşınları, “Mercedes” sərnişin avtobusu və “Hyundai” mikroavtobusu toqquşub. Maşınların toqquşması nəticəsində yanğın baş verib.
FHN Dövlət Yanğından Mühafizə Xidmətinin əməkdaşları tərəfindən yanğın söndürüldükdən sonra “Mersedes” sərnişin avtobusunun sürücüsünün yanmış cəsədi çıxarılıb.
Xəsarət alanlar barədə açıqlama verilmir.
1 saylı Şəhər Kliniki Mərkəzindən bildirilib ki, qəza ilə əlaqədar xəstəxanaya 6 nəfər daxil olub. Tibbi yardım göstərildikdən sonra 5 zərərçəkən evə buraxılıb. Hazırda xəstəxanada bir nəfər zərərçəkən var.—06B--
Bakının şimal girəcəyində xarici dairəvi yolda güclü yanğın baş verib
Biləcəri qəsəbəsinin yaxınlığında xarici dairəvi yolda (Bakı-Sumqayıt trasını Lökbatan və “Binə”, “Sədərək” ticarət mərkəzləri ilə birləşdirən yol) ağır yol-nəqliyyat qəzası nəticəsində güclü yanğın baş verib. Qəza saat 22.30-a yaxın 194 saylı marştut avtobusun bir neçə avtomobillə toqquşması nəticəsində baş verib. Avtobus və daha bir avtomobil yanıb. Bu barədəTuran-ın müxbiri məlumat verib. Hadisə yerindən təxminən 1 km. aralıda yerləşən Bakı avtovağzalından alov görünüb.
Qəza yerinə bir neçə yanğınsöndürən və təcili yardım maşını gəlib. 40 dəqiqədən sonra yanğın lokallaşdırılıb. Xəsarət alanlar var.-08C06--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz