Bakı/11.12.17Turan: "Əgər, bu sürücülər hesab edirlərsə ki, yol polisi onlara qarşı səlahiyyət həddini aşıb, bizə müraciət etsinlər, məsələ araşdırılsın" . Bakı Şəhər Baş Yol Polis İdarəsinin ictimiyyətlə əlaqələr şöbəsinin rəisi Vaqif Əsədov bir qrup sürücünün və avtobus sahibinin bugünki etiraz aksiyasını belə şərh edib.
Xatırladaq ki, 50-dən çox sürücü və avtobusla sərnişindaşıma ilə məşğul olan sahibkar dekabrın 11-də Bakı şəhər DYP İdarəsinin binası qarşısında etiraz aksiyası keçiriblər.
Onlar DYP əməkdaşlarının yersiz irad tutmasından və əsassız olaraq pul tələb etməsindən şikayət ediblər.
Bununla belə, Əsədov prinsipcə DYP əməkdaşlarının səlahiyyətlərini aşması ehtimalını təkzib edib, belə ki, onların "hər birinə texniki vasitələrlə nəzarət edilir".
Əsədov sürücüləri media vasitəsilə özlərini haqlı çıxarmaq istəməkdə ittiham edib. Amma yol hərəkəti qaydaları pozulubsa, təqsirkarlar buna görə cavab verməlidir, deyə o əlavə edib.
V.Əsədova görə, yol intizamı qaydalarını pozan və ya buna meylli olan sürücülər yol polisini "xoşlamır".
"Əgər deyirlərsə ki, onlara qarşı qanunsuzluq olub, yazılı müraciət etsinlər, məsələ müzakirə olunsun, nəticəni də ictimaiyyətə açıqlayaq", deyə şöbə rəisi bildirib. -05B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz