Bakı/11.12.17/Turan: Dekabrın 11-də ABŞ və Azərbaycanın birgə səyləri nəticəsində Zərdab (Bakıdan 306 kilometr qərb) və Ağcabədi (Bakıdan 266 kilometr qərb) rayonlarının 4 kəndinin sakinləri tibb məntəqəsi və mal-qaraya qulluq sahəsində bir neçə layihənin başa çatmasını qeyd edib. Bu barədə ABŞ Beynəlxalq İnkişaf Agentliyi (USAİD) məlumat yayıb.
Layihələr USAID vasitəsilə ABŞ və Azərbaycan hökuməti tərəfindən birgə maliyyələşdirilib və Şərq-Qərb İdarəetmə İnstitutu (EWMI) tərəfindən icra olunub.
Açılış tədbirlərində ABŞ səfirliyi, ABŞ Beynəlxalq İnkişaf Agentliyi (USAID), İqtisadiyyat Nazirliyi, yerli icra hakimiyyəti və bələdiyyə nümayəndələri iştirak ediblər.
Zərdab rayonunun Əlibəyli, habelə Ağcabədi rayonunun Kəhrizli və Hindarx kəndlərində hər bir icmanın tibbi xidmət ehtiyacını qarşılaya biləcək yeni tibb məntəqələri inşa edilib. Yeni tibb məntəqələri həmin üç kəndin 13 600-dən çox sakininin gündəlik tibb xidmətlərinə çıxışını yaxşılaşdıracaq.
Zərdab rayonunun Hüseynxanlı kəndində sakinlər yem emalı məntəqəsi inşa ediblər ki, bununla da daha tez və daha münasib qiymətə mal-qara yemi əldə edəcəklər. Yeni yem məntəqəsidən mal-qara və kənd təsərrüfatı ilə məşğul olan 450-dən çox kənd sakini faydalana biləcək.
ABŞ və Azərbaycan 99 icmada 112 icma layihəsi həyata keçirib. 200 000-nə yaxın insan bu layihələrdən faydalana bilir. -03D-
Cəmiyyət
-
Oktyabrın 12-nə keçən gecə yağan güclü yağış nəticəsində Hacıqabul şəhərini su basıb.
-
Oktyabrın 12-nə keçən gecə yağan güclü yağış nəticəsində Hacıqabul şəhərini su basıb.
-
Bazar günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısı keçəcəyi gözlənilir. Lakin gecə və səhər bəzi yerlərdə qısamüddətli yağış yağacağı ehtimalı var. Şimal-şərq küləyi əsəcək.
-
Şənbə günü Abşeron yarımadasında intensiv yağış yağacağı, şimşək çaxacağı gözlənilir.
Rəy yaz