Bakı/16.06.22/Turan: "e-Manat Modenis" Məhdud Məsuliyyətli Cəmiyyətinin terminalları vasitəsilə bank kartlara köçürülən vəsaitlə bağlı kütləvi problemlər yarandığı bildirilir.
Şikayətçilər Turana bildirib ki, dünən, iyunun 14-də həmin terminallar vasitəsilə "AzərTürkBank" bank kartlarına köçürülən vəsait bir sutkadan çoxdur ki, kart sahiblərin hesabına köçürülməyib. "Zəng vuranda müxtəlif səbəblər gətirərək "pul kartınıza köçürüləcək" deyilsə də nəticə sıfırdır".
e-Manat Modenis" Məhdud Məsuliyyətli Cəmiyyətindən Turana bildirilib ki, dünən texniki problem yaşanıb və hələlik bu problemi həll etmək mümkün deyil. "Bizim sistemimizdə ödənişlərin uğurla keçdiyi görsənir, amma nədənsə bankın sistemində ödənişlər görsənmir".
Şirkətdən qeyd olunub ki, mütəxəssisləri problem üzərində işləyir. "Problem həll olunan kimi vəsaitlər hesabına köçürüləcək. Lakin bunun nə vaxt olacağını deyə bilmərik".
"AzərTürkBank" Açıq Səhmdar Cəmiyyətindən Turana bildirilib ki, bank sistemində problem yoxdur. "Problem e-Manatın sistemində olub, indi də davam edir".
Bank məsələlər üzrə ekspert, hüquqşünas Əkrəm Həsənov bildirib ki, problem müxtəlif səbəblərdən qaynaqlana bilər. "Texniki da ola bilər. Amma istənilən halda məsuliyyət hər iki qurumun üstündədir".
Ekspertin sözlərinə görə, kart sahibi məhkəməyə müraciət edə bilər. "Əgər kart sahibinə maddi ziyan dəyibsə, yəni o harasa bu pulu köçürməli idisə, yaranmış məsələyə görə köçürə bilməyibsə və onun üzərinə maliyə sanksiya gəlibsə onda maddi təzminat istəyə bilər. Həmçinin mənəvi təzminat da tələb etmək mümkündür".
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz