14 saylı cəzaçəkmə müəssisəsində məhbus Elşad Babayevin ölümünə görə məsuliyyət bu müəssisənin və Penitensiar Xidmətin üzərinə düşür. Bu barədə Turan agentliyinə İşgəncələr Əleyhinə Komitənin rəhbəri Elçin Behbudov bildirib.
“31 yaşlı Elşad Babayevin onun bədənində çoxsaylı işgəncə izləri olması haqqında bəyanatı narahatlıq doğurur. Biz kənarda qala və susa bilmərik.
Gəncin ölümü qapalı müəssisədə baş verib və buna görə cəzaçəkmə müəssisəsinin və Penitensiar Xidmətin rəhbərliyi məsuliyyət daşıyır.
Bir insan cinayət törədibsə, azadlıqdan məhrumetmə artıq cəzadır. Heç kim məhbusu zorakılığa və işgəncələrə məruz qoymaq hüququna malik deyil”, deyə Behbudov bildirib.
O, təəssüflə qeyd edib ki, bu sahədə mənfi təzahürləri tənqid etdiyinə görə Penitensiar Müəssisədə monitorinqə buraxılmır.
Behbudovun fikrincə, işgəncələrə qarşı mübarizədə ixtisaslaşan QHT-lərin penitensiar müəssisələrə baş çəkməsinin qadağan edilməsi öz özlüyündə narahatlıq üçün əsas verir.
Behbudov həmçinin karxana yaxınlığında yerləşən 14 saylı cəzaçəkmə müəssisəsində havanın çox çirkli olması ilə əlaqədar məhbusların saxlanma şəraitinin ağır olduğunu bildirib.
Hüquq müdafiəçisi Penitensiar Xidmətin Babayevin ölüm faktının obyektiv araşdırılmasına mane olmağa çalışacağını ehtimal edib.
Behbudov öz növbəsində ölkə prezidentinə və baş prokurora Babayevin ölümünün obyektiv araşdırılmasına yardım etmək və təqsirkarları cəzalandırmaq xahişi ilə müraciət hazırlayır. -06B0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz