Ə.Elçibəylə bağlı ənənəvi müsabiqəyə start verilir

Bütöv Azərbaycan Birliyi (BAB) milli-azadlıq hərəkatının rəhbəri Əbülfəz Elçibəyin doğum günü - 24 iyun Türklük Bayramı ilə əlaqədar olaraq, Ə.Elçibəyə həsr olunan şifahi və yazılı əsərlərin ənənəvi müsabiqəsini elan edir.

Müsabiqəyə əsərlər, kitablar, bədii yazılar (ssenari, hekayə, povest, roman, şer və. s.) publisistik yazılar (qəzet, jurnal), elektron proqramlar, mahnılar, rəsm əsərləri, milli əməli fəaliyətlər və s. təqdim oluna bilər. Yarışmaya ölkə, milliyət, dil, din, yaş fərqi qoyulmadan, hər kəs qatıla bilər. Müəlliflərdən əsərlərinə özləri, ünvanları və telefon nömrələri haqda qısa məlumat da əlavə  etmələri xahiş olunur.

Yarışmada Ə.Elçibəyin həyat və siyasi fəaliyyətinin təhlilinə həsr edilmiş əsərlərə üstünlük veriləcək və qalib gələn əsərlər diplomla mükafatlandırılacaq.

Yarışma 2015-ci il Respublika Günü - 28 maydan başlayır, 2015-ci il avqustun 22-də Savalan Ziyarəti Günü başa çatır.

Diplomların təqdimatının 2015-ci il avqustun 22-də keçiriləcəyi gözlənilir.

Əsərlərinizi aşağıdakı ünvana göndərə bilərsiniz: Bakı, 1108, Şəmsi Rəhimov küçəsi, ev 58, mənzil 23. Zakir Məmmədli. (tel: 012-562-77-70 , 055-758-33-33, BAB Rəyasət Heyətinin üzvü Z.Məmmədli. -05D-