Bakı/22.09.19/Turan: 16 saylı koloniyada cəza çəkən jurnalist Əfqan Muxtarlı bu gün aclıq elan edib. O, qanunsuzluğa və vəkili Nemət Kərimliyə fiziki təzyiqlərə etiraz edir. Ə.Muxtarlının bəyanatı sosial şəbəkələrdə yayılıb.
"Sentyabrın 20-də baş vermiş qanunsuzluğa və vəkilimə qarşı zorakılığa etiraz olaraq aclığa başlayıram. Rəis müavini (koloniyanın) Emin Eminəliyev siyasi məhbuslara qarşı amansızlığı və zorakılığı ilə fərqlənir. Bundan öncə o, Məmməd İbrahimə qarşı güc tətbiq etmişdi. Ümumiyyətlə, məhbuslara qarşı çox sərt və amansızdır. Ondan prokurorluğa edilən şikayətlər araşdırılmır", - Ə.Muxtarlının bəyanatında deyilir.
O, ölkə rəhbərliyindən vəkililə bağlı insidentin obyektiv araşdırılmasını tələb edib.
"Emin Əliyev və zorakılıq törədən digər əməkdaşlar cəzalandırılmalıdır. Vəkilə qarşı törədilənlər mənim də hüquqlarımın pozulmasına yönəlib. Bundan öncə Nemət Kərimli 1 il müddətinə işdən kənarlaşdırılmışdı", - Ə.Muxtarlı yazıb.
Jurnalist diqqəti ona yönəldib ki, "indiki hücumlar" AŞPA siyasi məhbuslar üzrə məruzəçi Sunna Torhildur Evardsottirin və AŞ insan hüquqları komissarı Dunya Miyatovişin koloniyada ona baş çəkməsindən sonra törədilib.
Sentyabrın 20-də vəkil N.Kərimli Ə.Muxtarlı ilə görüşündən əvvəl və sonra ciddi yoxlanışa və hədələrə məruz qalıb. Vəkilin sözlərinə görə, həmin qanunsuz hərəkətlərə koloniyanın rəis müavini Emin Əliyev rəhbərlik edib. O, vəkilin jurnalistlə görüşü zamanı etdiyi qeydləri oxuyub. Ə.Muxtarlı Penitensiar Xidmətə rəsmi şikayət edəcəyini bildirib.
*Araşdırmaçı-jurnalist Əfqan Muxtarlı 2017-ci ilin mayında Tbilisidə oğurlanaraq gizlicə Azərbaycana göndərilib və burada həbs edilib. Məhkəmə onu qaçaqmalçılıq və sərhədçiyə qarşı zorakılıq tətbiq etməkdə ittiham edib.
Amnesty International beynəlxalq təşkilatı Ə.Muxtarlını "vicdan məhbusu" kimi tanıyıb.21B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz