Əfqan Muxtarlının qohumlarının ölüm faktı üzrə cinayət işinin istintaqında yenilik yoxdur
Bakı/05.01.18/Turan: Həbsdə olan jurnalist Əfqan Muxtarlının Zaqatala şəhərində (Bakıdan 418 kilometr şimal-qərb) yaşadığı evdə meyiti aşkar edilən bacısı, bacısı qızı və qardaşı qızının ölüm faktı üzrə Zaqatala rayon Prokurorluğunda qaldırılan cinayət işinin istintaqı davam etdirilir. Bu barədə Turana Zaqatala rayon prokurorunun köməkçisi Tofiq Hüseynzadə bildirib.
Bununla yanaşı, prokuror köməkçisi Turanın müxbirnin baş vermis hadisənin səbəbləri, cinayət işi üzrə təyin edilmiş ekspertizanın nəticələri, məsuliyyətə cəlb edilənin olub-olmaması barədə suallarına istintaq sirri olduğunu deyərək cavab verməyib.
Xatırladaq ki, vəkilləri Əfqan Muxtarlının yaxınlarının yas mərasimində iştirak etməsi üçün Penitensiar Xidmətə müraciət etsə də, buna icazə verilməyib.
Gürcüstanda oturum almış Əfqan Muxtarlı 2017-ci il mayın 29-da yaşadığı Tbilisi şəhərindən müəmmalı şəkildə Azərbaycana gətirilib və sonra Azərbaycanda həbs edilib. Əfqan Muxtarlı ona qarşı ittihamların uydurma olduğunu, hakimiyyət əleyhinə yazılarına görə Gürcüstanda oğurlanaraq Azərbaycana gətirildiyini bildirib. Hazırda Balakən rayon Məhkəməsində jurnalistin məhkəməsi davam edir.
Zaqatala rayon prokurorluğu və rayon polis şöbəsinin məlumatına görə, dekabrın 31-də Zaqatala şəhəri, H.Zeynalabdin Tağıyev küçəsi, ev 2, mənzil 14-də 1982-ci il təvəllüdlü Muxtarlı Nuranə Sabir qızı, 2015-ci il təvəllüdlü Məmmədzadə Nilay İlqar qızı və 2005-ci il təvəllüdlü Muxtarlı Fatimə Ramazan qızının meyitlərinin aşkar edilməsi barədə rayon prokurorluğuna məlumat daxil olub.
İlkin araşdırma zamanı müəyyən edilib ki, meyitlərin aşkar olunduğu mənzil kustar üsulla çuqun materialdan hazırlanmaqla rezin boru ilə qaz xəttinə birləşdirilmiş soba ilə qızdırılıb.
Meyitlər məhkəmə-tibb ekspertizasından keçirilərkən dəm qazı və qida zəhərlənməsi ehtimalı nəzərə alınmaqla nümünələr götürülüb.
Faktla bağlı Zaqatala rayon Prokurorluğunda Cinayət Məcəlləsinin 314.3-cü (səhlənkarlıq, ehtiyatsızlıqdan iki və ya daha çox şəxsin ölümünə səbəb olduqda) maddəsi ilə cinayət işi başlanıb. -03B-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz