![Афган Мухтарлы](https://turan.az/resized/media/2017/main/081400004005-750-500-resize.webp)
Афган Мухтарлы
Əfqan Muxtarlıya Məmmədəmin Rəsulzadənin kitabları və yaxınları ilə görüş verilməyib
Bakı/14.08.17./Turan: Avqustun 12-də Kürdəxanı təcridxanasının əməkdaşları Əfqan Muxtarlıya yaxınları ilə görüşməyə icazə verməyiblər. Bundan əlavə, onlar Azərbaycan Xalq Cümhuriyyətinin banilərindən biri Məmmədəmin Rəsulzadənin kitablarını verməkdən imtina ediblər. Bu barədə Turan-a Ə.Muxtarlının dostu, gənc fəal Samir Əsədli bildirib. Jurnalistin ailəsi görüşmək üçün S.Əsədliyə etibarnamə verib.
Ancaq nə S.Əsədli, nə də ailənin etibarnamə verdiyi digər fəallar görüş üçün icazə ala bilməyiblər.
"Biz Əfqana Rəsulzadənin üç kitabını apardıq, ancaq onları geri qaytardılar. Görünür, hakimiyyət Rəsulzadə ideyalarının yayılmasından qorxur",- S.Əsədli vurğulayıb.
Müdafiə tərəfi Ə.Muxtarlı ilə görüşə qadağa qoyulmasından şikayət verib, ancaq məhkəmə şikayəti təmin etməyib. Bu qərardan apellyasiya verilib.
*Əfqan Muxtarlı mayın 29-da Tbilisidə oğurlanıb və Azərbaycana göndərilib. Ona qarşı sərhəddi qanunsuz keçmək, qaçaqmalçılıq, sərhədçiyə qarşı zorakılıq tətbiq etmək maddələri ilə ittiham irəli sürülüb. O, ittihamları qəbul etmir.
Amnesty International onu "vicdan məhbusu" kimi tanıyıb.0B06-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz