Əhalinin Sosial Müdafiəsi Mərkəzinin rəis müavinin evindən nə qədər oğurlanıb - yarım milyon, yoxsa 35 min?
Fevralın 4-də Bakıda bir mənzildən külli miqdarda pul və qızıl-zinət əşyaları oğurlanıb.
Bir sıra KİV-lər Bakı şəhər sakini Rəhilə Məmmədovanın evindən 200 min ABŞ dolları, 190 min manat və 150 min manat dəyərində qızıl-zinət əşyaları oğurlandığını bildirib.
Bununla yanaşı, Nərimanov rayon Polis İdarəsindən Turan-a bildiriblər ki, oğurlanan pul və qızıl əşyaların ümumi məbləği 35 min manat təşkil edir.
Sosial şəbəkələrdə ev sahibi Oqtay Məmmədovun Abşeron rayonu üzrə Əhalinin Sosial Müdafiəsi Mərkəzinin rəis müavini olduğu bildirilir. Müzakirələrdə məhz bu səbəbdən oğurlanan pul və qızıl əşyaların məbləğinin ev sahibləri tərəfindən sonradan məqsədli şəkildə azaldıldığı bildirilir.
Xatırladaq ki, son dövrlər Əmək və Əhalinin Sosial Müdafiəsi Nazirliyinin çoxsaylı yerli şöbələrinin əməkdaşları korrupsiya ittihamı ilə məsuliyyətə cəlb edilib. -03B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz