![İstehlak kreditləşməsinin artım tempi bu il 30%-dən aşağı düşə bilər - ekspert](https://turan.az/resized/750/500/resize/media/2014/main/020500068073.jpg)
İstehlak kreditləşməsinin artım tempi bu il 30%-dən aşağı düşə bilər - ekspert
Sirr deyil ki, Azərbaycanda istehlak kreditləşməsi çox vacib məsələyə və bəzən əhalinin həyati ehtiyaclarının yeganə təminatı vasitəsinə çevrilib.
Son illər bu kreditləşmədə görünməmiş artım var və onun piki 2013-cü ildə oldu. Noyabrın sonu üçün ev təsərrüfatlarına verilən kredit həcmi 42% və ya 1,8 mlrd manat artaraq 6,04 mlrd manata çatıb. Bu, 2010-cu ildəkindən 5 dəfə çoxdur. Bankların ümumi portfelində bu kreditin payı 40%-ə çatıb.
İstehlak kreditləşməsinin belə artımının görünən səbəblərindən biri rəsmi statistikadadır. Ona əsasən, son 5 ildə fiziki şəxslər üçün kreditləşmə dərəcəsi 3% düşərək 18,34% olub.
Amma faizin düşməsi belə artımla nəticələnə bilməzdi. İqtisadi Təşəbbüslərə Yardım Mərkəzinin eksperti Samir Əliyevin sözlərinə görə, bu istehlak kreditləşməsinin artmasının əsas amili deyil. Bankların aqressiv marketinq siyasəti onları məcbur edib ki, hətta iş yerindən arayış olmadan, hətta başqa banklara borcu olanlara kredit versinlər, bir müştəri üçün bir neçə aktiv kredit xətti açsınlar. Amma bu siyasətin son nəticəsi müştərilərin daha çox borca düşməsi ilə nəticələnib. 2013-cü ilin yekunu üçün əhalinin gəlirlərində borclar üçün ödənişin xüsusi çəkisi 20%-ə çatıb.
Bu vəziyyət nəzarət orqanının diqqətindən kənarda qalmayıb və AMB pərakəndə şəbəkələrdə bank məntəqələrinin bağlanması, iş yerindən arayış olmadan kredit verilməməsi kimi qərarlar verib. Nəticədə bu proses bir qədər səngiməlidir. Yaxın aylarda belə mənzərə yarana bilər: ucuz pul mənbələrinə daha asan çıxışı olan iri banklar manevr üçün geniş imkan qazanacaq. Kiçik banklar üçün bu dövr müxtəlif maliyyə mənbələrinə məhdud çıxış imkanı üzündən daha çətin dövr olacaq. Nəticədə onlar mövcud müştəri bazasının 40%-i itirə bilər. Gözlənilir ki, istehlak kreditləşməsinin artım tempi 30%-dən aşağı olacaq, bu kreditlər üzrə dərəcələr isə 3% düşə bilər, deyə Əliyev qeyd edib.—15B--
-
- İqtisadiyyat
- 5 Fevral 2014 15:58
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz