4 fevral 2014-cü il tarixində Azərbaycan Respublikasının Qiymətli Kağızlar üzrə Dövlət Komitəsində (QKDK) İsveçrə Əməkdaşlıq Təşkilatının (SECO) nümayəndə heyəti ilə görüşdə əməkdaşlıq perspektivi müzakirə edilib. 2005-ci ildən SECO Azərbaycan şirkətləri və kapital bazarında korporativ idarəetmənin inkişafı üzrə bir neçə layihəni maliyyələşdirib.
QKDK İctimaiyyətlə əlaqələr sektorunda Turan-a bildiriblər ki, QKDK-nın sədri Rüfət Aslanlı Dünya Bankı və SECO tərəfindən dəstəklənən “Kapital Bazarlarının Müasirləşdirilməsi” layihəsinin əhəmiyyətini, qisa müddət ərzində zəruri texniki yardımların əldə edildiyini vurğulayıb.
Görüşdə Cənubi Qafqaz üzrə İsveçrə Əməkdaşlıq ofisinin regional direktorunun müavini Matthias Feldmann qiymətli kağızlar bazarında aparılan islahatların vacıbliyini görüş iştirakçılarının diqqətinə çatdırıb.
SECO “Kapital Bazarlarının Müasirləşdirilməsi” layihəsinin donorlarından biridir. Təşkilat layihənin komponentlərinə $1,6 mln ayırıb. Layihənin ümumi qiyməti $15,8 mln-dur.
2005-2011-ci illərdə SECO Beynəlxalq maliyyə Təşkilatının (İFC) «Azərbaycan korporativ idarəetməsi” (AKİL) layihəsini maliyyələşdirib. 08D
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz