Əhaliyə güc tətbiqinə görə daha çox icra başçıları günahkardır
“Ölkənin bölgələrində baş verən aksiyalar xalq etirazları idi”, - hüquq müdafiəçisi Mirvari Qəhrəmanlı ölkədə bahalaşmaya qarşı etirazlara qiymət verib.
M.Qəhrəmanlı neftin dəfələrlə dəyərdən düşməsilə ölkədə kəskin bahalıq, sosial problemlərin yarandığını və xalqın bu böhrana etirazını aksiyalarla ifadə etdiyini nəzərə çatdırıb.
“İndi hakimiyyət hər hansı araşdırma olmadan bu məsələdə müxalifəti günahkar bilmək istəyir, bu doğru deyil”, - hüquq müdafiəçisi mövqeyini bildirib. Onun fikrincə, sosial problemlər, məmur özbaşınalığı, indiki durumla bağlı cəmiyyətdəki qeyri-müəyyənlik bu aksiyaların yaranmasına səbəb olub.
O, daha bir səbəb kimi vətəndaş cəmiyyəti institutlarının sıradan çıxarılmasını göstərib. “Əvvəl vətəndaş cəmiyyəti institutları bölgələrdə əhali islə sıx işləyirdi, ünsiyyət qururdu, bu qurumlar sıradan çıxarıldıqdan sonra ünsiyyət formatı pozuldu, maarifləndirmə işləri olmadı, indi baş verənlərin əsas səbəblərindən biri də maarifləndirmənin olmamasının nəticəsidir”, - o qeyd edib.
M.Qəhrəmanlı aksiyalara güc tətbiqinə görə daha çox İcra Hakimiyyəti başçılarını təqsirli bilib. “O rayonlardakı insanlara güc tətbiq edilib, demək, həmin rayonların İcra Hakimiyyətləri xalqla işləməyib, xalqa laqeyd yanaşıb, etiraz olanda da xalqın önünə çıxmaqdansa çıxış yolunu rayona güc qüvvələri çağırmaqda görüb”, - hüquq müdafiəçisi bildirib.
Bahalaşmaya etiraz olaraq yanvarın 12-dən bəzi rayonlarda etiraz aksiyaları keçirilib. Hakimiyyət bu aksiyaları əhalinin yox, AXCP və Müsavat partiyalarının, ekstremistlərin və radikalların təşkil etdiyi barədə rəsmi mövqe bildirib. Bu aksiyalarda 55 nəfərdən çox adam saxlanıb. Bununla yanaşı AXCP və Müsavat partiyalarının yerli rəhbərləri və partiya fəalları 7 sutkadan 30 sutkaya qədər inzibati cəza alıblar.-05B-
-
- Cəmiyyət
- 15 Yanvar 2016 12:05
-
- İqtisadiyyat
- 15 Yanvar 2016 12:12
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz