Ekologiya Nazirliyi brakonyer "ovunu" davam etidirir

Bakı/15.10.18/Turan: Ekologiya Nazirliyinin yeni rəhbərliyi qanunsuz ova qarşı mübarizəni ciddi şəkildə gücləndirib. Son həftələr hər gün nazirliyin saytında qanunsuz ov həyata keçirən və ya həyata keçirmək niyyətində olan şəxslərin saxlanması və cərimə edilməsi haqqında məlumatlar dərc olunur.

Nazirliyin 15 oktyabr tarixli məlumatında deyilir ki, cari ilin 9 ayı ərzində ölkə ərazisində reydlər zamanı 90 yerli və 15 əcnəbi ovçu saxlanılıb. Onlardan 93 silah, həmçinin ovlanmış quş və hevanlar götürülüb.

Brakonyerlər barəsində protokollar tərtib olunaraq 99 nəfərə 117698 manat məbləğində inzibati qaydada cərimə tətbiq edilib. 6 brakonyerin şəxsiyyətinin müəyyənləşdirilməsi və barələrində qanunamüvafiq tədbir görülməsi üçün hüquq-mühafizə orqanlarına məktub göndərilib.

Qeyd edək ki, hazırda su quşlarının ov mövsümü başlayıb, bu Azərbaycanda ən məşhur və geniş yayılmış ov növüdür.

Bu arada, brakonyerliyin səbəblərindən biri normal ov üçün şərait olmamasıdır. Bu, ilk növbədə əlverişli ov təsərrüfatlarının və müvafiq xidmətin hədsiz çatışmazlığıdır.

Ekologiya Nazirliyinin əvvəlki rəhbərliyi ovu hər yolla məhdudlaşdırırdı və faktiki olaraq Azərbaycan Ovçular İttifaqının ləğvinə nail olub. Bu ictimai təşkilat on illərlə ov təsərrüfatlarının işini idarə edib və ovun təşkili məsələləri ilə məşğul olub. Hazırda ovçular öz-özlərini təmsil edirlər, onları birləşdirəcək və idman ovu təşkil edən bir təşkilat yoxdur, hələ ənənələrin və ov etikasının qorunub saxlanmasını demirik. -02D-

Rəy yaz

Cəmiyyət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti