Bakı/20.09.19/Turan: Milli Məclisin Hüquq siyasəti və dövlət quruculuğu komitəsinin üzvü Çingiz Qənizadə diffamasiyaya görə cəzanın sərtləşdirilməsi təşəbbüsü ilə çıxış edib.
Sentyabrın 20-də keçirilən "Sosial şəbəkələrdə söyüş, təhqir və böhtana YOX deyək" adlı tədbirdə o, İnternetdə CM-in 147 (böhtan) və 148-ci (təhqir) maddələri üzrə cəzanın artırılmasını təklif edib.
Deputatın sözlərinə görə, ölkə rəhbərliyinin humanist yanaşması nəticəsində həmin maddələr tətbiq edilmir. "Bəlkə nəinki bu maddələrin tətbiqinə başlamalı, əksinə, bu maddələrin sanksiyalarının artırılmasının da vaxtıdır", - Ç.Qənizadə bildirib.
Onun sözlərinə görə, son vaxtlar sosial şəbəkələrdə şantaj, böhtan və təhqir tipli paylaşmaların sayı artıb. "Bunların qarşısının alınmasının zamanı çoxdan çatıb", - deputat vurğulayıb.
Lakin media məsələləri üzrə ekspert Ələsgər Məmmədli cəzanın sərtləşdirilməsinin faydalı olacağına şübhə ilə yanaşır. "Cəza tədbirləri çətin ki effektiv olsun. 2017-ci ildə İnternetdə təhqirə görə CM-ə maddə əlavə olunandan sonra bu, İnternetdə təhqirlərin azalmaşına səbəb olmadı", - Ə.Məmmədli deyib.
Onun sözlərinə görə, cəzanın sərtləşdirilməsinin əvəzinə ifadə azadlığın genişlənməsinə şərait yaratmaq lazımdır. "İnsanların ifadə azadlığı məhdudlaşdırılmırsa, onlar özünə inanıb fikirlərini daha mədəni tərzdə ifadə edirlər", - o vurğulayıb. Digər tərəfdən, sosial şəbəkələri hüquqi baxımdan tənzimləmək çətindir. "Çünki sosial şəbəkələrə virtual olaraq dünyanın istənilən yerindən qoşulmaq olar. Çox güman ki, hakimiyyət sosial şəbəkələrin tənzimlənməsi bəhanəsilə diffamasiyaya görə sanksiyaları sərtləşdirmək istəyir", -Ə.Məmmədli qeyd edib.
Onun fikrincə, təhqir və böhtana son qoymaq üçün diffamasiya haqqında qanun qəbul olunmalıdır. Bunu Avropa İnsan Hüquqları Konvensiyanın müddəaları və Avropa İnsan Hüquqları Məhkəməsinin presedent qərarı tələb edir.
Bunu nəzərə alaraq, prezident İlham Əliyev 2011-ci ildə insan hüquqları sahəsində Milli Fəaliyyət Planı imzalayıb və orada diffamasiyanın dekriminallaşması nəzərdə tutulub.21B-
Cəmiyyət
-
“Qarabağ” futbol klubu noyabrın 28-də Avropa Liqasının əsas mərhələsinin ev oyununda Fransanın “Lion” komandas;na böyük hesabla - 1:4 uduzub.
-
Azərbaycanda bəzi dərmanların icbari tibbi sığorta xidmətləri zərfi çərçivəsində vətəndaşlara verilməsi ilə bağlı bəzi yeniliklər gözlənir. Bu barədə məsələ Milli Məclisin Səhiyyə komitəsində müzakirə olunan və parlamentin plenar iclasına tövsiyə edilən "Tibbi sığorta haqqında" qanuna dəyişiklikdə əksini tapa bilər.
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
Rəy yaz