Avqustun 9-da Gurcustana gedərkən Qazax sərhəd-buraxılış məntəqəsində saxlanılan “Yüksəliş naminə” qəzetinin baş redaktoru və “Sumqayıt Gənclərinin Hüquqi Maarifləndirilməsi” QHT-nin rəhbəri Elçin Məmməd gecəyarısı buraxılıb.
O, Turan-ın müxbirilə söhbətində deyib ki, sərhəd məntəqəsindən bildirilib ki, DİN Baş Mütəşəkkil Cinayətkarlıqla Mübarizə İdarəsi keçən il onun ölkədən çıxışına qadağa qoyub. E. Məmməd ölkədən çıxışına qoyulan məhdudiyyətin aradan qaldırılması barədə qanuni qüvvəyə minmiş məhkəmə qərarını təqdim etsə də buna əhəmiyyət verməyiblər və onu polisə təhvil veriblər.
O, gecəyə qədər Qazax Rayon Polis İdarəsində saxlanılıb. Daha sonra Baş Mütəşəkkil Cinayətkarlıqla Mübarizə İdarəsi İstintaq İdarəsinin rəisi Canpolad Daanovun göndərdiyi faksdan sonra E. Məmməddən iltizam alınaraq sərbəst buraxılıb.
E.Məmməd xatırladıb ki, bir il öncə də onun ölkədən çıxmağa icazə verilməmişdi. Onun ölkədən çıxışına qadağa DİN-in Mütəşəkkil Cinayətkarlığa Qarşı Mübarizə Baş İdarəsi tərəfindən qoyulmuşdu.
O, bu qərardan şikayət verib və mayın 24-də 2 saylı Bakı İnzibati-İqtisadi Məhkəməsi jurnalistin ölkədən çıxışına qadağanın aradan qaldırılması barədə qərar cıxarıb. “Nəhayət ki, məhkəmənin qərarı qanuni qüvvəyə mindi və bunu təsdiq edən məktubu əldə etdim. Məhkəmə qərarı bir daha təsdiq etdi ki, DİN-in tabeçiliyində olan həmin idarənin hərəkətləri qanunsuzdur və sadəcə siyasi məqsəd daşıyır”, -hüquq müdafiəçisi vurğulayıb.
Onun sözlərinə görə, DİN bildirib ki, qadağa E.Məmmədin kredit borcunun olması ilə bağlıdır.
“QHT-yə avadanlıq alınması üçün 5000 manat kredit götürmüşdük. Hazırda banka cəmi 1800 manat borcumuz qalıb və bununla bağlı bank hər hansı məhkəmə mübahisəsi açmayıb. Vətəndaşın ölkədən çıxışına ancaq məhkəmə qərarı ilə məhdudiyyət qoyula bilər”, - o bildirib.
E.Məmməd sərhəddə saxlanmasını və məhkəmə qərarının icra olunmamasını öz hüquqlarının və Konstitusiyanın pozulması kimi qiymətləndirib.—06D—
* * *
Sumqayıtda nəşr edilən “Yüksəliş naminə” qəzetinin baş redaktoru və “Sumqayıt Gənclərinin Hüquqi Maarifləndirilməsi” QHT-nin rəhbəri Elçin Məmməd bu gün Gurcustana gedərkən Qazax sərhəd-buraxılış məntəqəsində saxlanılıb. Oradan Qazax Rayon Polis idarəsinə aparılıb. Bu barədə Turan-a onun həmkarları məlumat veriblər.
Bir il öncə də E.Məmmədə ölkədən çıxmağa icazə verilməmişdi. Onun ölkədən çıxışına qadağa DİN-in Mütəşəkkil Cinayətkarlığa Qarşı Mübarizə Baş İdarəsi tərəfindən qoyulub.
O, bu qərardan şikayət verib və mayın 24-də 2 saylı Bakı İnzibati-İqtisadi Məhkəməsi jurnalistin ölkədən çıxışına qadağanın aradan qaldırılması barədə qərar cıxarıb.
DİN bildirib ki, qadağa E.Məmmədin kredit borcunun olması ilə bağlıdır.
Lakin həmkarlarının sözlərinə görə, avqustun 2-də o, məhkəmədə ölkədən çıxışına qadağanın ləğvinin qüvvəyə minməsi barədə rəsmi qərarı alıb.
Hələlik hüquq-mühafizə orqanlarından şərh almaq mümkün olmayıb.—06D--
Cəmiyyət
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
-
Azərbaycan Mərkəzi Seçki Komissiyası politoloq, “Atlas” Analitik Mərkəzinin rəhbəri Elxan Şahinoğluna bildirib ki, qarşıdakı parlament seçkilərində onun namizədliyi qəbul edilməyib. Şahinoğlu bu qərar barədə X sosial media- platforma vasitəsilə bildirib və məlumat verib ki, yeddigünlük cavab müddətinin bitməsinə cəmi 30 dəqiqə qalmış Mərkəzi Seçki Komissiyası onu telefonla xəbərdar edib.
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
Rəy yaz