Açiq mənbələrdən foto.
Ələt-Astara yolundakı yanacaqdoldurma məntəqələrinin və ictimai iaşə obyektlərinin sökülməsi nə ilə əlaqədardır?
Bakı/09.03.21/Turan: Bu gün Ələt-Astara yolunun Salyan rayonundan keçən hissəsində yerləşən bəzi yanacaqdoldurma məntəqələrinin sökülməsinə başlanıb. Bu barədə Turan-a yerli fəal Emil Məmmədov bildirib.
Onun sözlərinə görə, fəaliyyəti Baş Prokurorluq yanında Korrupsiyaya qarşı mübarizə İdarəsi tərəfindən araşdırılan “Hacıoğlu”, “Cız-bız”, “Ulduz” və “İpək yolu” restoranlarının və “Masallı” kafesinin sahiblərinə obyektləri sökmək göstərişi verilib.
Qeyri-rəsmi məlumatlara görə, söküntüyə səbəb torpaq sahələrinin qanunsuz olaraq tikinti üçün ayrılmasıdır. “Bu halda tikintiyə qanunsuz icazə verənlər cəzalandırılmalıdır. Digər tərəfdən, məhkəmə qərarı olmadan obyektlərin sökülməsi qanunsuzdur”, deyə Məmmədov bildirib. -23C06-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz