Bakı/12.10.18/Turan: 14 saylı cəzaçəkmə müəssisəsində həbs cəzası çəkən NİDA hərəkatının üzvü Elgiz Qəhrəman karserə salınıb. Bu barədə onun atası Camal Qəhrəmanov bildirib.
Onun sözlərinə görə, E.Qəhrəman iki gündür karserdə saxlanılır. Ona fiziki təzyiq göstərilir, deyə atası bildirib.
"Sonuncu dəfə onunla oktyabrın 7-də görüşmüşük. O, özü heç nə deməyib. Bu, onun xasiyyətinə uyğun deyil. Nə problemi olursa olsun, o, şikayət etmir ki, biz narahat olmayaq. Buna görə mən təzyiq haqqında başqa mənbədən öyrəndim", deyə fəalın atası bildirib.
NİDA hərəkatının əlaqələndiricisi Samir Əsədli deyib ki, 14 saylı cəzaçəkmə müəssisəsinin yeni rəisi Namiq Qocayev siyasi məhbuslara işgəncə verir. Təyin edildikdən dərhal sonra o, bloger Mehman Hüseynovu və Elgiz Qəhrəmanı təhqir etməyə, onların telefon danışığı hüquqlarını məhdudlaşdırmağa başlayıb. Digər məhbusların hüquqları da pozulur, onlara işgəncə verilir və və onlar döyülür, deyə Əsədli qeyd edib.
Penitensiar Xidmətdə Qəhrəmanın əsassız olaraq cəzalandırılması və döyülməsi haqqında iddiaları təkzib edirlər. İctimaiyyətlə Əlaqələr şöbəsinin rəhbəri Mehman Sadıqov bildirib ki, məhbuslar intizam pozuntularına görə cəza kamerasına salınır. Bundan əvvəl məhbusla profilaktik söhbət aparılır, o, nəticə çıxarmırsa, cəza kamerasına köçürülür.
Sadıqov məhbusların döyülməsi haqqında məlumatları da təkzib edib. Bununla belə, o deyib: "Məhbus fiziki müqavimət göstərirsə, müəssisə əməkdaşlarına və başqa məhbuslara zərər yetirməyə çalışırsa, ona qandal taxılır, dəyənək və digər xüsusi vasitələrdən istifadə olunur. Bu, qanuna uyğun şəkildə həyata keçirilir və mütləq aktlaşdırılır. Məhbus narazıdırsa, məhkəməyə müraciət edə bilər, deyə Sadıqov bildirib.
* Elgiz Qəhrəman 2016-cı ilin avqustunda böyük ölçüdə narkotik vasitələrin qanunsuz dövriyyəsi ittihamı ilə 5,5 il müddətinə həbs edilib. Amma həbsin əsl səbəbi onun facebook-da 26 sentyabr 2016-cı il tarixli konstitusiya referendumu haqqında yazdığı kinayəli status olub.
Sonradan Ali Məhkəmə cəza müddətini üç il azadlıqdan məhrumetməyə endirib.
E.Qəhrəman hüquq müdafiə təşkilatları tərəfindən siyasi məhbus kimi tanınıb. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz