Elmir Abbasov 20 sutka inzibati həbs cəzasına məhkum edilib

Bakı/22.06.23/Turan: Bu gün Sumqayıt Şəhər Məhkəməsi NİDA Hərəkatının İdarə Heyətinin üzvü Elmir Abbasovu 20 sutka inzibati həbs cəzasına məhkum edib. Bu barədə Turan-a vəkil Zibeydə Sadıqova bildirib.

Onun sözlərinə görə, Abbasova qarşı  İnzibati Xətalar Məcəlləsinin 510-cu (xırda xuliqanlıq) və 535.1-ci (polisə tabe olmamaq) maddələrilə protokol tərtib edilib.

Əsasən, polisin bildirdiyinə görə, Abbasov Sumqayıtda küçədə "nalayiq sözlər danışıb" və "asayişə riayət etməyə çağırılanda polisə tabe olmayıb".

Məhkəmə zamanı Abbasov polisin iddialarını rədd edib və bildirib ki, onu yaşadığı evin həyətində saxlayıblar.

Hakim 510-cu maddə üzrə inzibati icraatı dayandırıb, lakin 535.1-ci maddə üzrə ittihamı saxlayıb və Abbasovu 20 sutka inzibati həbs cəzasına məhkum edib.

Abbasov saxlanılarkən pis rəftardan şikayət edib.

Əsasən, o qandallandığı zaman boynundakı cızıqlara və biləyindəki yara izlərini göstərib.

Bununla əlaqədar hakim bu məlumatı araşdırmaq üçün şəhər prokurorluğuna göndərəcəyini bildirib.

Müdafiə tərəfi məhkəməni qərarından apellyasiya şikayəti vermək niyyətindədir

Abbasov məhkəmə iclasından əvvəl qışqıraraq öz tərəfdaşlarına bildirib ki, heç bir şeydə günahkar deyil və "ifadə azadlığının reallaşmasına" görə saxlanlılıb.

Abbasov iyunun 21-də axşam saxlanılıb.

Daxili İşlər Nazirliyindən bildiriblər ki, saxlanma onun ictimai asayişi pozması ilə əlaqədardır.

Lakin NİDA Hərəkatı bildirib ki, o, Söyüdlü kəndində etiraz aksiyasının dağıdılması zamanı polisin hərəkətlərini kəskin tənqid etdiyi üçün saxlanılıb. 16B21/06