2010-cu ilin may-iyun daşqınlarından ziyan çəkmiş əhalinin hüquqlarını müdafiə edən “Kür” vətəndaş cəmiyyəti qərargahının fəalı İlham Əmiraslanovun cinayət işi üzrə məhkəmənin üçüncü iclası sentyabrın 10-da saat 15.00-da Sabirabad rayon məhkəməsində keçiriləcək.
Xatırladaq ki, Əmiraslanov AR CM-in 228.1-ci (odlu silah və döyüş sursatları saxlamaq, daşımaq) maddəsi ilə ittiham olunur. Bu maddə iki ilədək icbari iş və ya üç ilədək azadlıqdan məhrumetmə cəzası nəzərdə tutur. O, iyunun 8-də “Makarov” tapançası və onun güllələrini saxlamaq ittihamı ilə həbs edilib. Əmiraslanov əvvəlcədən bildirib ki, silah onun üzərinə qəsdən atılıb, etiraf isə işgəncə altında edilib.
Ötən cümə günü keçirilən məhkəmə iclası şahidlərin ifadələrində ciddi ziddiyyətlər olduğunu aşkara çıxarıb ki, bu da istintaqın obyektivliyini şübhə altında qoyub.
Məhkəmə həmçinin müşahidəçilərin prosesin videoçəkilişini aparmaq hüququnu pozub. www.civil-forum.az saytının əməkdaşı, Britaniyanın Sülh və Müharibə İnstitutu ilə də əməkdaşlıq edən Azər İsmayılov məhkəmə zalından kənarlaşdırılıb. -0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz