Erməni deputat İranda ermənilərin əsir götürüldüyünü və saxlanıldığını iddia edir

Bakı/22.05.21/Turan: Rəsmi Yerevanın dezinformasiyadan aktiv istifadə etməsi Azərbaycanla 44 günlük müharibə zamanı ciddi xələl dəymiş dövlət institutlarına etimadı azaltmaqda davam edir.

Ermənistan Milli Məclisinin deputatı Naira Zöhrabyan erməni hərbçilərin əsir götürüldüyünü və onların İranda saxlandığını ilk dəfə açıq bəyan edib. Zöhrabyan əvvəlki müharibədən qayıtmayan əsgər və zabitlərin valideynlərinin çoxsaylı dəlillərinə istinad edərək bildirib ki, ermənilər Azərbaycan ordusundan qaçaraq Araz çayı vasitəsilə İrana keçən ermənilər bu ölkədə əsir düşüblər.

İndi bu dezinformasiya reytinqdə Azərbaycanda qalan iki min hərbi əsirin olması barədə dezinformasiyanı üstələyib.

Uzun müddətdir ki, itkin düşənlərin valideynlərinin çoxu mənə səhih məlumatlar verirlər, hətta telefon zəngləri olur ki, müharibə günlərində onların övladları hücum edən Azərbaycan ordusundan xilas olmaq üçün Cəbrayıl rayonunda İranla dövlət sərhəddini keçiblər və orada götürülüblər. Bundan əlavə, valideynlərdən biri İranın yaşayış məntəqəsini - Amandi kəndinin hərbi hissəsini aydın şəkildə qeyd edib. Onlara çatan məlumata görə, erməni sərhədçilər orada saxlanılır, erməni deputat mətbuata bildirib.

Ermənistanın İrandakı səfiri Artaşes Tumanyan onun sorğusuna cavab olaraq bildirib ki, belə şey yoxdur. Bir neçə valideyn Təbrizə gedib və erməni yepiskop ilə görüşüb.  Və  o da İranda ermənilərin əsir götürülməsi barədə məlumatları inkar edir. Ermənistan Müdafiə Nazirliyi deputata maraqlı cavab verib, bildirib ki, onlarda bu mövzu ilə bağlı şərh yoxdur. 

"Ermənistanın müdafiə naziri anlaşılmaz biokütlə olduğu üçün mən rəsmən İranın Ermənistandakı səfirinə müraciət edirəm və xahiş edirəm ki, öz övladlarının İranda olmasının mümkünlüyü barədə müəyyən məlumat verə biləcək anaları qəbul etsin, onları dinləsin və bir neçə ay davam edən bu narahatlığa son qoysun ",- Naira Zöhrabyan deyib.

Müharibə zamanı İran ərazisinə keçən erməni hərbçilər haqda xəbərlər 2020-ci ilin noyabrında yayılmağa başlayıb. Bu barədə Ermənistan parlamentinin deputatı, Ermənistan – İran parlamentlərarası dostluq qrupuna rəhbərlik edən Mxitar Ayrapetyan Facebook-da yazıb.

Ayrapetyan Ermənistan-İran münasibətləri üzrə bir sıra tərəfdaşlarla telefon danışıqları aparıb. Onlar kütləvi informasiya vasitələri və sosial şəbəkələrdə yayılan məlumatları təsdiqləməyiblər.

"İrandakı erməni hərbçilər" haqda məlumatlar yayıldıqdan sonra hərbi qulluqçuların ailə üzvləri İranın Yerevandakı səfirliyinin önündə toplaşmağa başlayıblar. Ancaq Ermənistan Müdafiə Nazirliyi kimi İran səfirliyi də qəribə şəkildə cavab verib. Noyabrın 20-də səfirlik bildirib ki, bu məlumatları təsdiq edə bilməyəcək, lakin  informasiyanı yoxlamağı vəd edib. Belə cavab ermənilərin rəsmi strukturlara olan inamsızlıq alovunun üstünə yağ töküb.

Bu arada, hücum edən Azərbaycan ordusundan xilas olmaq üçün erməni hərbçilərin Azərbaycan-İran sərhəddini qanunsuz keçmək cəhdlərinə dair sənədli videofakt var. İran ərazisindən çəkilmiş videoda görünür ki, erməni hərbçilər Xudafərin körpüsü ilə İrana qaçmağa çalışırlar. Lakin o zaman İrandakı hərbi əməliyyatları müşahidə edən İran azərbaycanlıları ermənilərə qaçmağa imkan verməyiblər. Onlar ermənilərə daş ataraq, işğalçıları geri qayıtmağa məcbur ediblər. Deməli, erməni əsgərlərin İrana qaçması ilə bağlı digər, lakin uğurlu hallar mümkündür. Ancaq bu, yalnız hipotezadır. -0-