2 saylı Bakı İnzibati-İqtisad Məhkəməsi bu gün Vergilər Nazirliyinin Vergi Auditi Departamentinin “Xural” qəzetinin baş redaktoru Əvəz Zeynallı barəsində işin icraatına xitam verilməsi haqqında vəsatətini təmin etməyib, belə ki, vergidən yayınma üzrə cinayət ittihamına Ağır Cinayətlərə dair İşlər üzrə Məhkəmədə baxılırdı.
Vergi Auditi Departamenti jurnalisti 7251 manat məbləğində vergidən yayınmaqda ittiham edib. Öz növbəsində, Zeynallı Vergilər Nazirliyini məhkəməyə verib.
Hakim Müminat Hacıbəyova “Xural” qəzetinin vergi yoxlanışı haqqında 22.02.2012 tarixli aktın cinayət işi açılması üçün əsas ola bilməyəcəyi barədə qərar qəbul edib. Hakimi qərarına əsasən, bu işə inzibati icraat çərçivəsində baxılacaq.
Vəkil Elçin Sadıqovun Turana verdiyi məlumata görə, indi Ağır Cinayətlərə dair İşlər üzrə Məhkəmədə Zeynallıya qarşı əsas cinayət işində CM-in “vergi ödənişindən yayınma” maddəsi üzrə ittiham ləğv ediləcək.
Xatırladaq ki, jurnalist həmçinin rüşvət almaqda və məhkəmə qərarını icra etməməkdə ittiham olunur. O, ötən ilin payızından hədələməklə pul tələb etmək ittihamı ilə həbsdədir. -06D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz