Evlərin sürətləndirilmiş qeydiyyatı bir il uzana bilər
Bakı/21.02.19/Turan: Prezidentin 19 fevral 2019-cu il tarixli "Bəzi çoxmərtəbəli binaların istismarına icazə verilməsinin sadələşdirilməsi haqqında" fərmanı dövlət qeydiyyatı olmayan evlərin sakinləri arasında canlanmaya səbəb olub. Dövlət qeydiyyatının olmaması insanları mənzil üzərində mülkiyyət hüququ haqqında arayış almaq, onu satmaq və ya hədiyyə etmək imkanından məhrum edir.
Fərman istismara qəbul edilməmiş 400-ə yaxın çoxmərtəbəli binada yaşayan 10 minə yaxın insanı əhatə edir.
Dövlət Şəhərsalma və Arxitektura Komitəsinin sədri Samir Nuriyevin jurnalistlərə verdiyi məlumata görə, binaların istismara qəbul edilməməsinin əsas səbəbi mənzil-tikinti kooperativlərinin məsuliyyətsizliyi ilə əlaqədar sənədlərin tərtibatının tamamlanmamasıdır.
İkinci səbəb tikinti zamanı təsdiq edilmiş plandan yayınmadır. Bundan başqa, tikintini yekunlaşdıran və binası dövlət qeydiyyatına hazır olan MTK-lər var, amma MTK binanı dövlət komissiyasına vermir, çünki bundan sonra MTK binanın idarəetməsini bina sakinlərinə verməlidir.
Dövlət Əmlak Məsələləri Komitəsinin sədr müavini Rafiq Cəlilov hesab edir ki, bəzi tikinti firmaları binalarının istismara qəbul edilməsində maraqlı deyil, belə ki, firma mənzil satışı zamanı qazanc əldə etmək imkanını itirir.
Torpaq sahiblərinin mülkiyyət hüququnu tikinti şirkətinə verməkdən imtina etməsi ilə əlaqədar dövlət qeydiyyatından imtina olunma halları var, deyə "Yasamal-2" mənzil kooperativinin sədri K.Əli Turan-a bildirib. "Tikilmiş binanı sakinlərə təhvil verən MTK bianın idarəetməsinə görə sakinlər tərəfindən ödənilən aylıq gəlirdən məhrum olur", deyə o əlavə edib.
Mətbuatda binaların dövlət qeydiyyatı prosesinin xeyli sürətlənməsinin gözlənildiyi haqqında nəşrlər yayılıb, amma FHN yanında Tikintiyə Nəzarət üzrə Dövlət Agentliyinin sədr müavini Elxan Əsədov izah edib ki, sürətlənmiş dövlət qeydiyyatı prosesi bir ilə qədər uzana bilər, bundan sonra bina qeydiyyata alınmaya bilməz.
Prezidentin fərmanına əsasən, 2019-cu il yanvarın 1-dən etibarən bütün belə binalar 2 ay ərzində yoxlanılacaq, bundan sonra rəy əsasında FHN beş ay ərzində nöqsanları aradan qaldırmalıdır. Nöqsanlar aradan qaldırılmasa, MTK-lərə binanı layihəyə uyğunsuzluqların düzəldilməsi üçün daha beş ay istismar etməyə imkan veriləcək. Bu, yenə baş verməsə, fərman binaya şamil edilməyəcək ", deyə Əsədov bildirib.
Fərman kommunal xidmətlərin üzərinə dövlət qeydiyyatından sonra bir ay ərzində istismara qəbul edilmiş binaların qaz, su və elektrik enerjisi ilə təmin etmək öhdəliyi qoyub. Fərman həmçinin Dövlət Şəhərsalma və Arxitektura Komitəsinin üzərinə dövlət komissiyası tərəfindən qəbul edilmiş yaşayış binalarının siyahısını öz saytında yerləşdirmək öhdəliyi qoyub.
Dövlət Əmlak Məsələləri Komitəsi yaşayış binasının dövlət qeydiyyatından sonra 10 gün ərzində, binanın tikildiyi torpaq sahəsi bu obyektin tikintisi üçün ayrılmayıbsa, həmin torpaq sahəsinin statusunu dəyişdirmək öhdəliyi daşıyır.
Dövlət Komitəsi yoxlama başa çatdıqdan sonra 7 gün ərzində dövlət qeydiyyatı haqqında arayış verməlidir. -0-
-
- İqtisadiyyat
- 21 Fevral 2019 16:24
-
- Siyasət
- 21 Fevral 2019 17:06
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz