Bakı/21.10.19/Turan: Siyasi məhbuslar İlkin Rüstəmzadə və Bayram Məmmədov 9-cu gündür ki, 13 saylı cəzaçəkmə müəssisəsində aclıq aksiyasını davam etdirirlər. Gənc fəalların ataları bazar ertəsi cəzaçəkmə müəssisəsində onlara baş çəkiblər.
Valideynlər gənclərdən aclığı dayandırmağı xahiş ediblər, amma onlar fikirlərindən dönməyiblər.
"İlkin və Bayram solğun görünürdülər. Bununla belə, onlar yüksək əhval-ruhiyyələrini qoruyub saxlayırlar", deyə fəalların doğmaları bildiriblər.
Mənbənin məlumatına görə, onlarla birlikdə 17 saylı cəzaçəkmə müəssisəsində aclıq aksiyasına başlamış dini fəal Əhsən Nuruzadə və jurnalist Elçin İsmayıllı üç gün əvvəl müvafiq olaraq 6 və 17 saylı cəzaçəkmə müəssisələrinə köçürülüblər.
Nuruzadə aclığı davam etdirir. Elçin İsmayıllı haqqında hələlik məlumat yoxdur.
Qiyas İbrahimov və Orxan Baxışlı da cəzaçəkmə müəssisələrində aclıq aksiyası keçirirlər.
Məhkumlar arasında kütləvi aclıq aksiyası bloger Mehman Hüseynovla həmrəylik əlaməti olaraq və bütün siyasi məhbusların azad edilməsi tələbi ilə başlayıb. -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz