![Fermerler torpaqlarının əllərindən alınmasından şikayətlənirlər](https://turan.az/resized/media/2017/main/011600180468-750-500-resize.webp)
Fermerler torpaqlarının əllərindən alınmasından şikayətlənirlər
“Bir qrup fermerin Bakıya gəlməsi bizə olan haqsızlıqlarla bağlıdır”, - Şamaxı fermerlərindən biri Zahir Məmmədov Turan-a bildirib.
Onun sözlərinə görə, haqqında danışdığı fermer təsərrüfatları Hacıqabul, Ağsu və Şamaxını əhatə edən 50 min ha yaxın ərazidə fəaliyyət göstərir. 130-a yaxın fermer təsərrüfatıdır, hər təsərrüfatda da 4-5 ailə çalışır. “Problem budur ki, indi bizi çalışdığımız torpaqlardan uzaqlaşdırmaq istəyirlər. Belə ki, biz XX əsrin 90-cı illərinin ortalarından sonra fiziki şəxslər olaraq torpaq sahələrini icarəyə götürmüşük, icarə vaxtımız hələ bitməyib. Kimində 2 il, kimində 5 il müddət qalır. Mənim şəxsən icarə müddətim 2028-ci ildə başa çatır. Amma keçən il noyabrın 29-da Şamaxı Rayon İcra Hakimiyyəti başçısından bizə məktub gəlib ki, icarədarlıq birtərəfli qaydada dayandırılır. Yəni, bizimlə icarə pozulur. Biz bu barədə aidiyyatı qurumlara müraciətlər ünvanlaşmışıq, məktublar göndərmişik”, - o bildirib.
Z.Məmmədov deyir ki, icarə müqaviləsi qarşı tərəf kimi Rayon İcra Hakimiyəyətilə bağlanıb.
Z.Məmmədovun sözlərinə görə, fermerlər təkcə müraciətlərlə kifafətlənməyiblər, kənd təsərrüfatı naziri ilə də görüşüblər: “Biz məsələni izah etdik, nazir də dedi ki, narahat olmayın “halallıq” olacaq. Yəni, bizi başa saldılar ki, torpaqlardan əlinizi çəkməlisiniz. Şamaxı Rayon İcra hakimiyyətinin başçısı ilə də görüşdük, təqribən eyni cavab orada da verilib. Rəsmi yox, qeyri-rəsmi olaraq bu məsələdə “Paşa Holdinq”in adı qarşı tərəf kimi hallanır. Amma bunun belə olub-olmadığını dəqiq bilmirik”.
Onun sözlərinə görə, məsələ müsbət həllini tapmadığı üçün bundan sonra ölkə səviyyəsində ictimailəşdirməyi qərara alıblar: “Biz o torpaqlarda neçə illərdir ki, çalışırıq, mal-heyvan, qoyun-quzu, kənd təsərrüfatı məhsulları yetişdirimişik. Əgər bu torpaqların dedikləri kimi təyinatlarını dəyişdirsələr belə, ilkin olaraq bu icarədarlara təklif olunmalıdır. Amma bu olmur. Bundan da irəli gələrək haqqımızı tələb etmək üçün mərkəzi rəhbərliyə üz tutmuşuq”.
Xatırladaq ki, adı çəkilən fermerlərdən bir qrupu yanvarın 16-da Bakıya gələrək rəhbər orqanların təmsilçilərilə danışmaq istəyiblər. —05C06—
-
- İqtisadiyyat
- 16 Yanvar 2017 14:50
-
- Aktual Reportaj
- 16 Yanvar 2017 15:02
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz