Aİ ölkələrinin şirkətləri Azərbaycanda biznes mühiti haqda
Azərbaycanda fəaliyyət göstərən Avropa İttifaqı ölkələrindən olan biznesmenlərin 20%-ə qədəri daha ölkəyə investisiya qoymaq istəmir.
40% buna əmin deyil, 40% isə ölkəyə yenidən investisiya qoymaq istərdi. Bu barədə Almaniya-Azərbaycan Xarici Ticarət Palatasının Azərbaycanda biznes mühiti haqda hesabatında deyilir.
Turan məlumat verir ki, sorğu Azərbaycanda fəaliyyət göstərən 19 Aİ ölkəsini təmsil edən 300 şirkətdə aparılıb.
Hesabatda deyilir ki, neftin qiymətinin enməsi və ölkənin gəlirlərinin azalması hökuməti islahatlara sövq edib və ümid var ki, bu proseslər iqtisadiyyatın diversifikasiyası üzrə islahatları sürətləndirəcək.
Respondentlərin 81%-i qeyd edib ki, ümumilikdə Azərbaycan iqtisadiyyatı zəifdir.
Cəmi 35% respondent deyib ki, onların çalışdıqları sektorlarda vəziyyət qənaətbəxsdir.
Hesabatda qeyd olunur ki, biznes mühitinin yaxşılaşdırılması üçün əsas vəzifə struktur islahatlarının aparılmasıdır.
Ümumilikdə, respondentlər Azərbaycanda öz şirkətlərinin perspektivlərini yaxşı qiymətləndirmirlər. Belə ki, Aİ ölkələrindən olan şirkətlərin 60%-i hesab edir ki, onların gəlirləri azalacaq.
Əmək bazarında vəziyyətlə bağlı sualın cavabında respondentlər əməkdaşların iş bacarığının qənaətbəxş olduğunu hesab edirlər.
Hesabat müəllifləri qeyd edirlər ki, Azərbaycanda təhsil sistemində ciddi islahatlar aparılmalıdır.
Respondentlər akademik və peşə təhsilinin keyfiyyətilə razı deyil.
Onlar hesab edirlər ki, qeyri-çevik immiqrasiya siyasəti xarici investisiyalara əngəl törədə bilər. Bu kontekstdə respondentlərin yarısı viza və əcnəbilər üçün iş məsələsinin həllinə dair immiqrasiya siyasətindən narazıdır.
İnfrastruktura toxunan şirkətlərin 76%-i onu orta və ya yüksək səviyyədə qiymətləndiriblər.
Hesabatda deyilir ki, neft şirkətləri qeyri-neft sektorundan olan şirkətlərlə müqayisədə özlərini iqtisadi siyasətdə daha əmin hiss edirlər. Demək olar ki, respondentlərin yarısı hüquqi qeyri-müəyyənlik və iqtisadi sabitliyin proqnozlaşdırılmasının səviyyəsindən narahatlığını bildirib.
Ümumilikdə, iqtisadi siyasət və institutların reytinqi aşağıdır.
Respondentlər şirkətlərin fəaliyyətinə təsir göstərən iqtisadi və siyasi şəraiti qiymətləndirərkən devalvasiya, bazarın qeyri-müəyyənliyi və bürokratiyanı göstəriblər.
Aİ şirkətlərinin 72%-i qeyd edib ki, onların biznesinə ən çox devalvasiya təsir göstərir.
Sorğu iştirakçılarının yarıdan çoxu bildirib ki, korrupsiya və gömrük nəzarəti onların fəaliyyətinə mənfi təsir göstərir, biznesin və investisiya mühitinin yaxşılaşdırılması üçün korrupsiya aradan qaldırılmalıdır.
Şirkətlər hesab edirlər ki, korrupsiya və cinayətkarlığın aradan qaldırılması ilə bağlı tədbirlər effektiv deyil.
Korrupsiya ilə yanaşı vergiqoyuluşu sistemi və gömrük prosedurları da mənfi amil kimi göstərilib.
46% respondent Azərbaycanda vergi siyasətini qənaətbəxş hesab etmir. Müəlliflər qeyd ediblər ki, hökumət və yerli hakimiyyət orqanları müvafiq qanunlara əməl olunmasını təmin etsələr mühüm irəliləyiş əldə olunar.
Müəlliflər hesabata yekun vuraraq qeyd edirlər ki, qarşıdakı iki il asan olmayacaq, ancaq sahibkarlar inanırlar ki, islahatlar nəticəsində 3-5 ilə vəziyyət yaxşılaşacaq.–71D-
-
- İqtisadiyyat
- 16 Yanvar 2017 14:39
-
- Cəmiyyət
- 16 Yanvar 2017 14:55
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz