Formula-1 yarışlarının ikiqat çempionu Fernando Alonso Bakıda keçiriləcək Formula-1 Avropa Qran Prisnin rəsmi səfiri elan olunub.
Baku City Circuit (BCC) əməliyyat şirkətinin verdiyi məlumata görə, Alonso martın 8-9-da yarışların Bakı mərhələsinin yolunda hazırlıq işləri ilə tanışlıq üçün Bakıya gələcək.
Səfər çərçivəsində Alonso martın 8-də mətbuat konfransı keçirəcək.
Martın 9-da saat 14:30-da o, bütün dünyadan olan azarkeşləri ilə online söhbət edəcək və sosial şəbəkələrdə fanatlarının suallarını cavablandıracaq.
Yayım Baku City Circuit-in Vkontakt sosial şəbəkəsindəki səhifəsində - http://vk.com/bakucitycircuit, habelə Formula-1 təşkilatçısının rəsmi saytında - https://www.bakucitycircuit.com/ru/live həyata keçiriləcək.
Azarkeşlər üçün daha bir sürpriz Fernando Alonsonun seçəcəyi ən yaxşı sualın müəllifinin Baku City Circuit-dən xüsusi hədiyyə qazanmaq imkanı olacaq.
“Mən bütün azarkeşlərimlə onlayn ünsiyyət qurmağı və onların suallarını Bakıda canlı olaraq cavablandırmağı səbirsizliklə gözləyirəm. Bu, illər boyu mənə pərəstiş edən insanlarla birbaşa ünsiyyət qurmaq və F1 yarış mövsümü öncəsi əlavə müsbət enerji almaq üçün böyük fürsətdir. Odur ki, mənə olan suallarınızı göndərin və növbəti həftə mən Bakıda olarkən suallarınızı cavablandırmaq üçün sizinlə ünsiyyət qurmağa hazır olacağam”, deyə pilot bildirib. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz