FHN daşqından ziyan çəkənlərə dəyən ziyanı ödəmək niyyətində deyil

Fövqəladə Hallar Nazirliyi 2010-cu il daşqınının nəticələrinin aradan qaldırılması prosesinə “yenilik” gətirib.

Cümə axşamı Şirvan şəhər Apellyasiya Məhkəməsində İmişli rayonunun 16 sakininin iddiası üzrə keçirilən prosesdə FHN nümayəndəsi Vüqar Hacıyev mənzillərin bərpasını ev sahiblərinin öz hesablarına təmin etməli olduqlarını izah etməyə çalışıb. FHN adından danışan Hacıyev Mənzil Məcəlləsinə əsaslanaraq, mənzil tikməkdən və ya təmir etməkdən imtinanı əsaslandırmağa çalışıb.

MM-in 21-ci maddəsi mənzil sahibinin üzərinə fövqəladə hadisə olduqda belə öz mənzilini müstəqil şəkildə bərpa etmək öhdəliyi qoyur, 28.5-ci maddə isə yalnız icra hakimiyyətinin mənzilin bərpasında iştirakına icazə verir.

Məhkəməyə təqdim edilmiş etirazda Hacıyev FHN adından bildirir ki, nə dövlət, nə də dövlət orqanları ziyanı tam ödəmək məcburiyyətində deyillər. Daha sonra Hacıyev qeyd edir ki, kompensasiyaların ayrılması və verilməsi Nazirlər Kabinetinin 197 saylı sərəncamında aydın şəkildə təqdim edilib.

FHN nümayəndəsi həmçinin bildirib ki, bəzi şikayətçilərə maddi ziyan qismən ödənilib.

Bu, bu il sentyabrın 3-dən Apellyasiya Məhkəməsində keçirilən 9 məhkəmə prosesində FHN nümayəndəsinin ilk iştirakı idi. Ümumilikdə FHN-ə qarşı 132 iddia verilib.

FHN-in etirazından belə çıxır ki, dövlət zərərçəkmişlər qarşısında öhdəliklərini yerinə yetirməkdən imtina edir, bir halda ki, daşqının nəticələrinin aradan qaldırılmasına 0,5 mlrd. manat ayrılıb. Bu zaman cəmi 3,% min ev tikilib, milyonlarla pul kompensasiyası ayrılıb və 8 rayonu əhatə edən fəlakət zonasında ayrı-ayrı işlər həyata keçirilib.

“Kür” vətəndaş cəmiyyəti qərargahı çoxsaylı korrupsiya və dövlət vəsaitinin mənimsənməsi faktları qeydə alıb. Daşqının nəticələrinin aradan qaldırılmasında FHN məsuliyyət daşıyır. Bu qurum pul kompensasiyalarının verilməsi, tikilmiş evlər və iş smetası haqqında məlumat verməkdən imtina edir. -0-