Bakı/03.05.17/Turan: “İndiki beynəlxalq şərtlər daxilində Azərbaycanda mətbuat azadlığı istənilən səviyyədə olmasa da, Şərq ölkələrilə müqayisədə yaxşıdır”. Bunu deputat Fazil Mustafa 3 may Ümumünya Mətuzat Azadlığı Günü münasibətilə Azərbaycanda mətbuatın durumunu şərh edərkən bildirib.
F.Mustafa ölkədə internet resurslarının əlçatan olduğunu və artıq ölkə insanlarında informasiyanı internet-resurslardan almaq immuniteti yarandığını söyləyib: “Düzdür, çap mediasının durumu barədə bunu demək olmur, belə ki, bir tərəfdən çap mediasının meydanı daralır, digər tərəfdən reklam problemi var və bütün bunlar çap mediasının normal inkişafına mane olur”.
Bununla yanaşı, F.Mustafa ölkənin müstəqil telekanal olması problemi yaşadığını vurğulayıb: “ANS telekanalının bağlanmasından sonra bu məsələ daha da çətinləşib. Başqa telekanallarda sosial sahələrdəki məsələlərlə bağlı ictimai fikir öz əksini tapır. Amma bütünlükdə ictimai fikrin orta səviyyədə cəmiyyətə çatdırılması üçün ehtiyac yaranıb”.
Bloger Mehman Qələndərlinin bu il aprelin 29-da 1 saylı Bakı İstintaq Təcridxanasında ölümünü şərh edən F.Mustafa bu ölümün səbəbi barədə konkret məlumata malik olmadığını deyib: “Bu barədə əlimdə dəlil-sübut yoxdur, amma rəsmi versiya intihar üzərində durur. Əgər, onun yaşamına kənar müdaxilə olubsa, bu narahatedici haldır və hüquq-mühafizə orqanları bunu ən ciddi şəkildə araşdırmalıdır” .
Bir sıra saytların bloklanmasına gəlincə, F.Mustafa belə hesab edir ki, bu, artıq “ölçüsüz tənqidin” sona çatması deməkdir.
F.Mustafa “Kanal-13”ün direktorunun inzibati cəza almasına səbəb kimi hansısa qanunsuzluğa yol verdiyini düşündüyünü söyləyib: “Amma bütünlükdə indiki şərtlər daxilində mətbuatın fəaliyyətini normal saymaq olar və bundan artığını gözləmək çətindir, bundan artığını gözləməyə dəyməz”.
Xatırladaq ki, 1990-cı ildə Parisdə toplanan bir qrup jurnalist azad mətbuat prinsiplərinin maneəsiz yayılmasının və bəşəri bəlalara qarşı birgə mübarizənin zəruriliyini bildiriblər. 1991-ci il mayın 3-də YUNESKO bu məramı ifadə edən Namibiyanın Vinduk şəhərində qəbul olunan Bəyannaməni dəstəkləyib və həmin günü Ümumdünya Mətbuat Azadlığı Günü kimi qeyd etmək təklifini BMT-yə göndərib. 1993-cü il dekabrın 20-də BMT Baş Məclisi 3 may gününü Ümumdünya Mətbuat Azadlığı Günü elan edib. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz