![«Formula-1» yarışlarında sürət 340 km./s olacaq](https://turan.az/resized/750/500/resize/media/2016/main/021100146562.jpg)
«Formula-1» yarışlarında sürət 340 km./s olacaq
“Formula-1” yarışlarıın Bakı mərhələsi öz xüsusiyyətinə görə Sinqapur, Monako və Melburn qran-pri yarışmalarına bənzəyir.
Belə ki, həmin yarışlar da şəhər içində müvəqqəti trasslarda olacaq. Bu barədə Baku City Circuit (BCC) əməliyyat şirkətinin meneceri Ayan Ağayeva bugünkü seminarda jurnalistlərə bildirib.
Yarışların dairəvi marşrutu Bakının mərkəzi küçələrindən keçən 6 km.-ə yaxın məsafəni əhatə edir.
“Azadlıq” meydanından başlayan marşrut Puşkin, Xaqani, Bülbül prospekti, Zərifə Əliyeva küçəsi, “Neftçilər” prospekti, Əziz Əliyev küçəsindən (keçmiş Zevin) keçəcək, sonra İçərişəhərin dar dalanları boyunca Gənclər meydanına qalxaraq İstiqlaliyyət küçəsinə çıxacaq, sonra Niyazi küçəsilə aşağı enib yenidən “Neftçilər” prospektilə “Azadlıq” meydanına keçəck.
Yarışlar zamanı müxtəlif çətinlikdə 20 virajla 51 dövrə vurulacaq, maksimum sürət saatda 340 km.-ə çatacaq.
Marşrut boyunca 30 min tamaşaçı üçün 9 tribuna (19500-I oturaq) qurulacaq.
Biletlər yarışların üç günündə etibarlı olacaq. Həmin biletlərlə “Formula-1” çərçivəsində konsert və digər əyləncəli tədbirlərə getmək olar.
“Bakıda Avropa Qran-prisi bir çox aspektlərinə görə Azərbaycan tarixində unikal hadisə olacaq. Bakı trassı şəhər yarışları arasında ən sürətlisi olacaq və bütün dünya üzrə 500 milyonluq teleauditoriya qarşısında yayımlanacaq”, - yarışların mətbuat karibi Nigar Arpadarai bildirib.
Araşdırmalar göstərir ki, “Formula-1” yarışları müddətində turist axını 40% artır.
N.Arpadarai yarışların büdcəsini açıqlamayaraq bu haqda məlumatının olmadığını deyib.
Öz növbəsində idman şərhçisi Rəhim Əliyev deyib ki, “Formula-1” yarışları sayəsində şəhərin küçələri yüksək sürət üçün nəzərdə tutulmuş asfaltla örtüləcək.
Onun sözlərinə görə, “Azadlıq” meydanında bolidlər üçün qarajın inşaşına, yardımçı və inzibati infrastrukturun saxlanmasına 30 mln. dollara yaxın vəsait sərf olunacaq.
Yarışlar iyunun 17-19-da keçiriləcək. Yarışlarda 11 komanda və 22 yarışçı iştirak edəcək.
Bakı mərhələsi 2016-cı ildə 21 “Formula-1” qran-pri yarışı arasında 8-ci olacaq. —06C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz