Fransa-Azərbaycan Universiteti fəaliyyətə başlayıb

Fransa-Azərbaycan Universitetinin yaranması (UFAZ) 2014-cü ilin sentyabrında Fransa və Azərbaycan Respublikasının prezidentlərinin ikitərəfli görüşü  zamanı doğulan iddialı bir lahiyənin nəticəsidir.

İki il sonra bu öhdəliyə uyğun olaraq,  15 sentyabr  2016-cı il tarixində, Azərbaycan Respublikası  Təhsil Naziri cənab Mikayıl Cabbarov, Fransanın Azərbaycandakı səfiri Zati-Aliləri Xanım  Orelia Buşez, Fransa Təhsil Nazirliyinin  Avropa və Beynəlxalq Əlaqələr və Əməkdaşlıq üzrə nümayəndəliyinin rəhbəri Xanım Marian  Brünhof və Strasburq Universitetinin beynəlxalq əlaqələr üzrə vitse-prezidenti  Cənab Fransis Kernın iştirakı ilə Fransız-Azərbaycan Universiteti fəaliyyətə başlayıb. Bu barədə Fransa səfirliyindən Turana daxil olan məlumatda bildirilir.

Fransa-Azərbaycan universiteti-UFAZ, Azərbaycan Dövlət Neft və Sənaye universitetinin yeni təmirdən çıxmış və təchiz olunmuş binasında  bakalavr səviyyəsində  4 ikili ali təhsil diplomun hazırlığını həyata keçirəcəkdir :

1. Kimya mühəndisliyi üzrə Bakalavr dərəcəsi(Strasburq universiteti və  ADNSU)

2. Kompyüter elmləri üzrə Bakalavr dərəcəsi (Strasburq universiteti və  ADNSU)

3. Geofizika mühəndisliyi üzrə Bakalavr dərəcəsi (Strasburq universiteti və  ADNSU)

4. Neft və Qaz Mühəndisliyi üzrə Bakalavr dərəcəsi (Renn 1 universiteti və  ADNSU)

27/07/16 tarixində Bakıda Strasburq Universiteti  tərəfindən  təşkil edilmiş seçim imtahanı əsasında  2016 təhsil ili üçün 310 namizəddən  143 nəfər  tələbə seçilmişdir.

Təhsil sahəsində bu tərəfdaşlıq unikal bir əməkdaşlıqdır  və Azərbaycan və Fransa arasında  mövcud münasibətlərin səviyyəsini göstərir, məlumatdə bildirilir.—06В--