Arif Hacılı: «Hakimiyyətin qəsbi İlham Əliyevi xilas etməyəcək» (YENİLƏNİB)

“İlham Əliyev xalqı öz əmanətlərini manatla saxlamağa çağırışlarını utancla xatırlayır. O, Azərbaycanın neftin qiymətinin enməsilə bağlı problem yaşamaması barədə vədlərini unudub”, - Müsavat Partiyasının lideri Arif Hacılı bildirib.  

Əliyevin uğursuz iqtisadi  siyasəti göstərdi ki, o, həyatın reallıqlarını anlamayan səriştəsiz adamdır.
Siyasi sistemdə də vəziyyət eynidir. Nəinki strategiya, baş verənləri elementar anlamaq belə yoxdur.
İslahatlardan və müxalifətlə dialoqdan imtina edən hakimiyyət faktiki olaraq öz barəsində hökm verib, çünki sonsuzadək hakimiyyəti polis gücü ilə qəsb etmək mümkün deyil.

“Onlar hətta Konstitusiyaya dəyişikliklərin nəyə görə lazım olduğunu öz vətəndaşlarına izah etməyə qadir deyil. İndiyədək heç kim bununla bağlı açıqlama verməyib. Hakimiyyət vəziyyəti adekvat dəyərləndirmək qabiliyyətini itirib və güman edir ki, burada da ikinci Şimali Koreya yaratmaq və ölkəni eyni üsulla idarə etmək olar. Biz bunu istəmirik!
Biz başqa həyata layiqik və hökumətdən hesabat tələb edirik. Biz islahatların aparılmasını, hüquq və azadlıqların təmin olunmasını tələb edirik və buna nail olacağıq”, - A.Hacılı vurğulayıb.

Sonda o, Milli Şura ilə səylərin birləşdirilməsinə tərəfdar olduğunu bildirib və sentyabrın 24-də bütün müxalifət qüvvələrinin birgə mitinqinin keçirilməsinə çağırıb. Onun təklifi mitinqçilər tərəfindən coşqu və alqışlarla qarşılanıb.
Aksiyanın sonunda mitinqin qətnaməsi oxunub. Qətnamədə aşağıdakı tələblər irəli sürülür: 26 sentyabr referendumunun ləğvi, bütün siyasi məhbusların azad edilməsi, sosial problemlərin həlli, sahibkarlar üçün normal şəraitin yaradılması.-02В-
 

2016 Sentyabr 18 (Bazar) 16:33:08

“Əliyev Qəddafi və Mübarəkin yolu ilə gedir. Onlar da monarxist avtoritar rejim formalaşdırmışdılar, vəzifəyə öz övladlarını və qohumlarını təyin edirdilər. Polis dövləti formalaşdıraraq öz gələcəklərini təmin etdiklərini düşünürdülər.

Ancaq tarix bunun əksini göstərdi. Tarixdən ibrət almayan İlham Əliyev başa düşməlidir ki, onu da belə gələcək gözləyir”, - L1-8 Hərəkatının lideri  Ruslan İzzətli bildirib.

O, rayonlardan Bakıya mitinqə gəlmək istəyən müxalifət fəallarının saxlanması ilə  bağlı çoxsaylı faktlar açıqlayıb.-02В-

 

Dövlət başçısı İlham Əliyevin hərəkətləri və atdığı addımlar Azərbaycan Konstitusiyasının birbaşa pozulmasıdır. O, prezident andını pozub, öz vətəndaşlarının hüquq və azadlıqlarını təmin etməyib, onların maraqlarını qoruya bilməyib, hələ ərazi bütövlüyünün bərpasını demirik”, - Müsavat Partiyasının İdarə Heyətinin üzvü Osman Kazımov mitinqdə çıxışında bildirib.

İlham Əliyev milli sərvətlərin talanması, milli maraqlara xəyanətlə məşğul olub, avtoritar rejimlərlə əməkdaşlıq edərək Qərblə münasibətləri korlayıb. “Bütün bunlar İlham Əliyevin timsalında hakim rejimin düşünülmüş və məqsədyönlü siyasətinin nəticəsidir”,- o qeyd edib. O.Kazımovun çıxışının ortasında  “İstefa!” şüarı səslənib.

Bütün hakimiyyəti öz əlinə almaq, vitse-prezidentlər təyin etmək cəhdləri bir şeydən xəbər verir: “Əliyev heç kimə və heç nəyə inanmır. O, hakimiyyəti öz qohumlarını yüksək vəzifələrə təyin etmək yolu ilə saxlayacağına ümid edir.  
Hakimiyyət vətəndaşların hüquq və azadlıqlarını daha çox pozmaq niyyətindədir. Konstitusiyaya dəyişikliklər də məhz buna yönəlib ki, bu da yolverilməzdir. “Referenduma yox!”,- O.Kazımov bildirib. O, ziyalıları və polisi Əliyev rejimini dəstəkləməkdən imtina etməyə çağırıb.-02В-
 

2016 Sentyabr 18 (Bazar) 15:53:47

Müsavat Partiyasının üzvləri və tərəfdarları saat 15:00-da Bakının Yasamal rayonundakı “Məhsul” stadionuna toplaşıblar.

Aksiya “Yaşasın Respublika!” şüarı ilə keçirilir və sentyabrın 26-da keçiriləcək referenduma çıxarılacan Konstitusiyaya düzəlişlərin əleyhinə yönəlib.

Aksiyada 2 minə yaxın adam iştirak edir.

Müsavat Partiyasının keçmiş lideri İsa Qəmbər öz çıxışında deyib ki, ölkənin indiki sosial problemləri, insan hüquq və azadlıqlarının kobud şəkildə pozulması Əliyevlərin avtoritar rejiminin  nəticəsidir.

“İlham Əliyev rejimi bu problemləri həll etmək əvəzinə ailə hakimiyyətinin möhkəmləndirilməsilə məşğuldur”, - İ.Qəmbər vurğulayıb.

Niyə ölkədə bir ailə bütün nemətlərə sahib olmalı, qalanları isə müşahidəçi rolunda olmalıdır?

“Müxalifət islahatlar aparılması üçün dəfələrlə hakimiyyətə dialoq təklif edib, ancaq Əliyev rejimi başqa planlar və ideyalarla yaşayır.

Azərbaycanda hakimiyyət uğrunda mübarizə getmir, mübarizə müxtəlif dəyərlər uğrundadır. Bu, bir tərəfdən, bolşevik və avtoritar ideyalar, digər tərəfdən, demokratiya və ədalət ideyalarıdır”, - İ.Qəmbər bildirib.-02В-