Fransa səfirliyi viza verilməsi müddətlərini açıqlayıb

Fransanın Azərbaycandakı səfirliyi uzunmüddətli və qısamüddətli viza verilməsinin şərtlərini açıqlayıb. 

Səfirliyin məlumatına görə, Fransanın Azərbaycandakı səfirliyinin viza verdiyi Fransa və digər beş ölkəyə, - Belçika, İspaniya, Lüksemburq, Niderland, Portuqaliya qısamüddətli (90 gündən az qalmaq) şengen vizasının müraciətinə baxılması üçün zəruri müddəti aşağıdakı kimidir: 

- Adi pasportlar: azaldıla bilməyən 5 iş günü (bütün zəruri sənədlər təqdim edilməklə) 

- Diplomatik və xidməti pasportlar: azaldıla bilməyən 2 iş günündə (bütün zəruri sənədlər təqdim edilməklə) 

- Uzunmüddətli (90 gündən artıq qalmaq müddəti) viza müddətinə baxılması müddəti mürəkkəbliyindən asılı olaraq 15 gündən bir neçə aya qədər uzana bilər. 

Adi pasportlar üçün qısamüddətli və uzunmüddətli viza müraciətinə baxılma müddəti, sənədlərin təqdim edilməsi üçün görüş götürülməsi müddətini əhatə etmir. 

Diplomatik və xidməti pasportlar ucun viza müraciətinin təqdim olunması isə pasport sahibinin öncədən görüş götürmədən Fransa səfirliyinin viza şöbəsinə bazar ertəsindən cümə gününədək saat 15.00-16.00 arasında gəlməsi ilə mümkündür.

Fransanın Azərbaycandakı səfirliyinin bağlı olacağı günlərin siyahısını səfirliyin internet ünvanından görmək mümkündür: http://www.ambafrance-az.org

Səfirlikdən həmçinin Turan-a bildiriblər ki, viza şöbəsi təmirlə əlaqədar sentyabrın 17-dən 21-dək işləmir. -03D-