Mövcud şəraitdə vəkillik institutu məhv olacaq, Adil İsmayılov belə hesab edir

Mövcud şəraitdə Azərbaycanda vəkillik institutu məhv olacaq, deyə vəkil Adil İsmayılov obyektiv.tv -yə müsahibəsində bildirib. 

Onun sözlərinə görə, Nigar Yaqublunun işi üzrə istintaq vətəndaşların hüquqlarını müdafiə institutunun səlahiyyətinin olmamasının parlaq nümunəsidir. Belə ki, nəqliyyat istismarı qaydalarını pozmaqda, ehtiyatsızlıqdan insan ölümünə səbəb olmaqda ittiham olunan qız Osman Kazımovu vəkil tutub. Lakin istintaq onun istintaq materialları ilə tanış olması hüququnu tanımayıb və dövlət vəkilinin iştirakına nail olub.

Apellyasiya Məhkəməsinin hakimi Rasimə İsgəndərova sentyabrın 17-də Nigar Yaqublunun qətimkan tədbirinin dəyişdirilməsi haqqında iddiasını təmin etməyib və onu həbsdə saxlayıb. Bundan başqa, proses qapalı rejimdə keçirilib və məhbus özü məhkəməyə gətirilməyib.

Prosessual qanunvericilikdə bir neçə variant var – ölkəni tərk etməmə haqqında iltizam, girovla zaminlik və s. Nigarın məsələsində istintaq müddətində həbs qətimkan tədbiri yanlış seçimdir. O, təhlükəli cinayətkar deyil, istintaqa kömək edir, onun gedişatına mane olmur.

Buna görə Yaqublunun ifadələrini təqsirin etiraf olunması saymaq ədalətli deyil. O, bədbəxt hadisənin necə baş verdiyini danışıb, amma istintaq hələlik onun ifadələrinə reaksiya vermir: hadisə yerindən görüntülər təqdim edilməyib, Nigarın sürdüyü maşınla toqquşan yük maşınının sürücüsü şahid qismində belə istintaqa cəlb edilməyib. Bütün bunlar Yaqublunun həbsinin sifarişli olduğunu hesab etməyə əsas verir, vəkil belə hesab edir.

Ölkədə məlum olan bənzər hadisələr çox olub ki (məsələn, eks-prezident Ayaz Mütəllibovun nəvəsi iki piyadanı vurub), təqsirkar məsuliyyətə cəlb olunmayıb.

Hakimlər və prokurorlar əlbir iş görürlər, vəkil isə prosesdə statistdir. Bu, imkanlı vətəndaşların təcrübəli müdafiə üçün vəkilə pul vermək yerinə hakimlərlə anlaşmağı üstün tuturlar.

Baş Prokurorluq üç dəfə Vəkillər Kollegiyası qarşısında İsmayılovun cinayət kargüzarlığı çərçivəsində vəkillik fəaliyyəti lisenziyasından məhrum edilməsi tələbi ilə çıxış edib. Və hər dəfə bu tələb rədd edilib.

Yerli vəkilliyi yalnız ölkənin siyasi rəhbərliyinin iradəsi xilas edə bilər.

Nə qədər ki, vəkilliyə belə münasibət davam edəcək, bu institut həmişə tələbat olmayan peşə olaraq qalacaq, deyə İsmayılov fikrini yekunlaşdırıb. -17D-