![Gəncənin icra başçısına sui-qəsdin təşkilində şübhəli bilinən daha bir nəfər öldürülüb](https://turan.az/resized/media/2018/main/072500011989-750-500-resize.webp)
Gəncənin icra başçısına sui-qəsdin təşkilində şübhəli bilinən daha bir nəfər öldürülüb
Bakı/25.07.18/Turan: Hakimiyyət iyulun 3-də Gəncənin icra başçısı Elmar Vəliyevə qarşı sui-qəsdin təşkilində ittiham olunan şəxsləri məhv etməkdə davam edir.
İndiyədək üç nəfər öldürülüb, bu gün isə hüquq-mühafizə orqanları Ağa Sərxaninin öldürüldüyü barədə məlumat veriblər. Hüquq-mühafizə orqanlarının məlumatına görə, o, Yunis Səfərovla birlikdə Gəncənin icra başçısına qarşı sui-qəsd hazırlayıb. Onun barəsində axtarış elan edilib.
Lakin qətlin harada və hansı şəraitdə baş verdiyi açıqlanmır. Hakimiyyət bildirir ki, 2016-ci ildə o, Suriyada hərbi əməliyyatlarda iştirak edib və dəfələrlə İrana gedib.
Ancaq hakimiyyətin şübhəliləri nədən tutmayıb öldürməsinin səbəbləri açıqlanmır. İstintaqın müttəhimlərsiz aparılacağını söyləmək çətindir. Ancaq, görünür, hakimiyyət artıq özü üçün məsələni götür-qoy edib.
Xatırladaq ki, iyulun 3-də əslən Gəncədən olan Rusiya vətəndaşı Yunis Səfərov Gəncənin icra başçısı Elmar Vəliyevə bir neçə atəş açıb. Qeyri-rəsmi versiyaya görə, o, mühafizəçini güllələyib, sonra tapança ilişib və Y.Səfərov E.Vəliyevə tapançanın qundağı ilə zərbə endirib. E.Vəliyev yerə yıxılıb və başı zədələnib.
Hazırda E.Vəliyev müalicə olunur. Onun səhhəti barədə açıqlama verilmir. Qeyri-rəsmi məlumatlara görə, öncə Türkiyəyə, sonra İsrailə aparılıb.
İyulun 10-da keçirilən etiraz aksiyası zamanı şəhər polisi rəhbərliyində təmsil olunan iki baş zabit həlak olub. Rəsmi məlumatlara görə, iğtişaşlarda iştirak edən 20-dən çox adam həbs edilib. -16D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz