Gender Bərabərliyi üzrə Beynəlxalq Müasir İncəsənət Sərgisi “O”

Qadın və kişi min illər boyu, gözəgörünməz divarla bir-birindən ayrı olaraq mövcud olub. Onları təbiət birləşdirib, mədəniyyət isə ayırıb. Onları ayıran da və bu ayrılığı təsdiqləyən də məhz mədəniyyət idi. Artıq kişi və qadının bu divarı yıxmaq və bir-birinə güclü güşəştə gedə bilmək vaxtı yetişdi.  Kişilər və qadınlar üçün müxtəlif yeni rolların vaxtı gəlib çatdı. Amma bu rolların müxtəlifliyi azadlıq olmadan-azad seçim olmadan mümkün deyil.

Rəhman Bədəlov

Latviya Respublikasının Azərbaycan Respublikasındakı Səfirliyi BMT-nin Azərbaycandakı Nümayəndəliyi və Norveç Krallığının Ankaradakı Səfirliyi ilə birgə əməkdaşlıqla “Qız Qalası. Qadın olmaq” layihəsinin davamı olaraq Gender Bərabərliyi üzrə Beynəlxalq Müasir İncəsənət  “O” layihəsini təşkil edir.

Bu il Layihənin əsas mövzusu dayanıqlı gələcək üçün qadınların rolunu vurğulayan BMT Təhlükəsizlik Şurasının Qadınlar, Sülh və Təhlükəsizlik haqqında 1325 saylı Qətnaməsinə həsr olunub. Layihə, gender bərabərliyi ilə bağlı təcrübələrini bölüşmək, eləcə də müasir incəsənət vasitəsilə qadınların həyatına təsir edən pandemiya və post-konflikt vəziyyətlərini əks etdirmək üçün beynəlxalq iştirakçıları bir araya gətirəcək.

Layihənin proqramına tanınmış beynəlxalq foto jurnalist Reza Deghatinin Gender Bərbərliyi üzrə təqdimatı, müzakirələr, Latviyalı rejissor İnaara Kolmanenin iştirakı ilə “Bille” filminin nümayişi, rejissor Tərlan Rəsulov və yazıçı İsmayıl İmanın birgə yaradıcılığı ilə “Bir damla günəş, bir nəfəs külək və bir azda sevgi” tamaşası, Müasir İncəsənət muzeyində beynəlxalq İncəsənət Sərgisi “O” və konfrans daxildir. Hər bir element incəsənət və mədəniyyət vasitəsilə sosial inteqrasiyanın təşviqi və gücləndirilməsinin yeni strategiyasında mühüm rol oynayır.

11 noyabr 2022-ci il tarixində xalq diplomatiyası proqramının bir hissəsi kimi Azərbaycan Respublikasının Əməkdar İncəsənət xadimi Səbinə Şıxlinskayanın kuratorluğu ilə Müasir İncəsənət Muzeyində www.tobeawoman.az internet səhifəsi əsasında fəaliyyətlərin davamı kimi “O” adlı sərginın açılışı olacaq.

Sərgidə Şahnaz Ağayeva (Azərbaycan-Türkiyə), Leyli Ələkbərova (Azərbaycan), İrina Eldarova (Azərbaycan), Fərhad Nikfam (Azərbaycan), Tereza Puig (Norveç), Vüsal Rəhim(Azərbaycan), Nils Skapaans (Latviya) və Kaarlis Viitolsun əsərləri nümayiş etdiriləcək.

Sərginin mövzusu Qadınlara həsr olunur- onların həyatları, cəmiyyətdəki rolu, sevincləri və problemlərinə. Azərbaycan dilində “o” hər iki cins üçün  eynidir, yalnız məzmunda  hansı cinsin nəzərdə tutulduğu aydın olur. Və bu da simvolikdir, çünkü gender bərabərliyi mövzusunun mahiyyəti gender birliyi və bərabərliyinə əsaslanır.

Noyabr ayında Səfirlik, NATO-nun Azərbaycandakı əlaqələndirici Səfirliyi kimi “Qadınlar  dayanıglı sabah üçün” adlı beynəlxalq konfrans təşkil edəcək.

Layihənin əsas aparıcı tərəfdaşı Latviya Səfirliyidir. Layihənin digər tərəfdaşları BMT-nin Azərbaycandakı Nümayəndəliyi, UN Women, BMT İnkişaf Fondu, tanınmış beynəlxalq foto jurnalist Reza Deghati,  Maqsud İbrahimbəyov yaradıcılıq Mərkəzi, Müasir İncəsənət Muzeyi, theLandmark, Nizami kinoteatri və PlatformART təşkilatıdır.  ®