GİPA Azərbaycanlı məzunları QHT yaratdılar
Gürcüstanın İctimai İşlər İnstitutu nəzdində fəaliyyət göstərən Qafqaz Jurnalistika və Media İdarəçiliyi Məktəbinin (QJMİM) azərbaycanlı məzun və tələbələri tərəfindən Qafqaz Jurnalistika Proqramı-Azərbaycan” (QJPA) İctimai Birliyi yaradılıb.
QJMİM-in azərbaycanlı məzunları arasında koordinasiya qurmaqla yanaşı, yerli medianın peşəkarlaşmasına, media mütəxəssislərinin yetişdirilməsinə, müstəqil media və söz azadlığının inkişafına töhfə verməyi məqsəd tutan birlik, gələcəkdə bu yöndə layihələr həyata keçirməyi planlaşdırır.
Təşkilatın təsis konfransında birliyin müvəqqəti sədri seçilmiş Xanım Cavadovanın sözlərinə görə, onlar çoxdan atılmalı olan addımı atıblar. “GİPA-dan məzun olmuş və hazırda təhsil alan azərbaycanlılar mediamızın inkişafına ayrı-ayrılıqda töhfə verirlər. Düşünürəm ki, İctimai Birlik altında birləşməyimiz jurnalistikamızın inkişafında daha uğurlu işlər görməyimizə gətirib çıxaracaq”.
QJPA məzunlardan təşkil olunmuş İdarə Heyəti tərəfindən idarə olunacaq.
Təşkilatın işçi qrupunun üzvü Azər Nəzərovun sözlərinə görə, “ictimai birliyin yaradılması ilə bağlı bütün hüquqi prosedurlar başa çatıb və ən qısa zamanda Ədliyyə Nazirliyinə dövlət qeydiyyatı üçün müraciət olunacaq”.
Qeyd edək ki, QJMİM 2001- ci ildən Gürcüstanın Tbilisi şəhərində fəaliyyət göstərir və Azərbaycan, Ermənistan və Gürcüstandan olan jurnalistlərə jurnalistika və media idarəçiliyi sahəsində magistr təhsili imkanı yaradır.
Məktəbin indiyə qədər yüzdən çox azərbaycanlı məzunu yerli mediada (1news, Turan, APA informasiya agentlikləri, ANS TV, ANS Press, CBN, “Hesabat” jurnalı, Gənclərin Səsi İnternet radiosu, BBC Azərbaycan Xidməti və Monitorinq, Azadlıq/Azad Avropa radiosunun rus və Azərbaycan xidmətlərində, o cümlədən müstəqil media layihələrində çalışmaqdadır. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz