Bakı/08.06.18/Turan: Demokratik Qüvvələrin Milli Şurasının (DQMŞ) sədri Cəmil Həsənliyə dünən Bakı aeroportunun gömrükçüləri tərəfindən saxlanılmış kitablarını qaytarıblar. Bu barədə o özü Facebook səhifəsində yazıb.
İyunun 8-də UPS poçt xidmətindən ona zəng vurublar və "Stalin və "soyuq müharibə" dövründə Türkiyə böhranı" kitabının 4 nüsxəsini hara çatdıra biləcəkləri barədə məlumat verməyi xahiş ediblər.
İyunun 7-də gömrükdə müəllifə bildiriblər ki, kitabların ölkəyə buraxılması və ya buraxılmaması haqqında qərar kitablar oxuduqdan sonra qəbul ediləcək.
Həsənli qeyd edib ki, bu kitablar 2011 və 2013-cü illərdə dərc edildikdən sonra artıq Azərbaycana gətirilib. "Görünür, gömrükçülər kitablar üçüncü dəfə oxumaq və maariflənmək qərarına gəliblər", deyə istehza edən Həsənli gömrükçülərin davranışını "cahillik" adlandırıb. -06D-
Cəmiyyət
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
Rəy yaz