Bakı/14.12.17/Turan: Çərşənbə günü Qazax Rayon Məhkəməsində Ağarza Səmədovun sədrliyilə Azərbaycan Xalq Cəbhəsi Partiyası (AXCP) sədrinin müavini Gözəl Bayramlının işi üzrə məhkəmə istintaqı başlayıb.
G.Bayramlı mayın 25-də Gürcüstandan qayıdarkən sərhəddə saxlanılıb. Ona qarşı CM-in 206.1-ci maddəsi (qaçaqmalçılıq) ilə ittiham irəli sürülüb. O, hüquq-müdafiə təşkilatları tərəfindən siyasi məhbus kimi tanınıb.
İclasın əvvəlində prokuror Vasif Səlimov ittihamnaməni oxuyub. Sənəddə bildirilir ki, G.Bayramlı sərhəddən bəyan edilməmiş 12 min ABŞ dollarını keçirmək istəyib.
Hakim G.Bayramlıdan ittihamı qəbul edib-etmədiyini soruşub. G.Bayramlı deyib: "Özümü qətiyyən günahkar hesab etmirəm. Bu həbs birmənalı olaraq mənim siyasi fəaliyyətimlə, o cümlədən AXCP sədrinin müavini, Demokratik Qüvvələrin Milli Şurasının üzvü olmağımla əlaqədardır. Mən korrupsiya əməllərinə görə hakimiyyəti ardıcıl tənqid etdiyim üçün həbs olunmuşam", - G.Bayramlı bildirib.
O deyib ki, son illər tibbi müayinə və müalicə məqsədilə tez-tez Gürcüstana gedib, orada əməliyyat olunub.
"Mən həbs olunacağımı əvvəlcədən bilirdim. Hələ 2016-cı ilin oktyabrında məni "bandotdel"ə (DİN Baş Mütəşəkkil Cinayətkarlığa Qarşı Mübarizə İdarəsi) çağırdılar və hədə-qorxu gələrək xəbərdarlıq etdilər ki, müxalifətyönlü fəaliyyətimə görə həbs oluna bilərəm", - G.Bayramlı qeyd edib.
Sonra o deyib ki, şahidlərin ifadələri dinlənilməyənə qədər ifadə verməkdən imtina edir.
Vəkil Elçin Sadıqov diqqəti ona yönəldib ki, G.Bayramlı saxlandıqdan dərhal sonra Dövlət Sərhəd Xidməti bəyanatla çıxış edərək onu "cinayət törətmiş şəxs" kimi təqdim edib ki, bu da müttəhimin təqsirsizlik prezumpsiyasının pozulmasıdır.
E.Sadıqov sözügedən bəyanatın cinayət işi materiallarına əlavə edilməsi barədə vəsatət qaldırıb.
Hakim vəsatəti təmin edərək bildirib ki, bəyanat sənədlərin araşdırılması mərhələsində öyrəniləcək.
Sonra prosesdə şahid ifadələri dinlənilib. Gömrük əməkdaşları ittiham versiyasını təsdiqləyiblər.
Lakin G.Bayramlının yol yoldaşı Almaz Rəhimova danışıb ki, sərhəd nəzarətində onları 15 dəqiqəyə yaxın saxlayıblar, səbəb kimi guya kompüterlərin "işləməməsini" göstəriblər. Sonra onları bir-bir yoxlayıblar. A.Rəhimovanı buraxıblar, G.Bayramlı saxlanılıb.
Müdafiə tərəfinin məlumatına görə, A.Rəhimova bildirib ki, G.Bayramlını sərhədçilər o, hələ gömrük nəzarətini keçməzdən öncə saxlayıblar. Bu, guya gömrükçülərin G.Bayramlıdan şübhələnməsi və buna görə onun yükünün rentgen aparatından keçirilməsi ilə bağlı istintaqın versiyasını inkar edir.
Məhkəmə iclası dekabrın 26-da davam edəcək.-06D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz