Gürcüstandan Qırğızıstana gedən qatar Azərbaycanda yanıb
Bu gün saat 04.20-də Azərbaycanın Ələt-Atbulaq məntəqələri arasında Gürcüstandan Qırğızıstana məişət avadanlıqları (əsasən soyuducu) aparan yük qatarında yanğın baş verib. 4 vaqon yanıb. Bu barədə Turan-a Azərbaycan Dəmir Yolları QSC-nin mətbuat katibliyinin rəhbəri Nadir Məmmədov bildirib.
Onun sözlərinə görə, yanğına güclü külək səbəb olub. Belə ki, külək vaqonun dam örtüyünü qopararaq naqillərə çırpıb və qısa qapanma nəticəsində yanğın başlayıb. Yanğınsöndürənlər yanğının digər vaqonlara keçməsinin qarşısını alıblar. Ölən və xəsarət alan olmayıb.
Hazırda dəmir yolunda hərəkət tam bərpa olunub.
Vaqonlar Gürcüstan dəmir yoluna məxsusdur. Bu gün Gürcüstandan nümayəndələr gələcək və araşdırma aparılacaq.-03B-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz