Güzəştli mənzillərin onlayn satışı iki ay uzadılıb (YENİLƏNİB)

Bakı/05.09.18/Turan: MİDA sentyabrın 5-də saat 11:00-da güzəştli mənzillərin elektron satışını həyata keçirə bilmədikdən sonra mida.gov.az saytında bunun saat 15:00-da baş tutacağını bəyan edib. Sayt 14.30-da sayt xəbərdarlıq edib ki, bu portalda vətəndaşların şəxsi elektron kabinetlərinə daxil olması aktivləşdirlib və yarım saatdan sonra satış başlayacaq.

Lakin nə saat 15:00-da, nə də sonra portalın xəbər bölümündə satışın gedişi barədə məlumat verilməyib. Bununla belə "Trend" agentliyində məlumat verilib ki,

Yasamal rayonu, Xarici dairəvi yol, 8 ünvanında yerləşən Yasamal yaşayış kompleksində 1, 2, 3, 4 və 5 saylı binalada mənzil satışı saat 15:00-da başlayacaq və 2018-ci il 5 dekabr, saat 11:00-dək davam edəcək.

Yəni, MİDA Dövlət Agentliyi güzəştli mənzillərin satış prosesini uzatmaqla vəziyyətdən çıxmaq qərarına gəlib. Bu müddətdə vətəndaşlar başqalarından daha tez mənzil almaq üçün tez-tez, hətta hər gün portala daxil olacaqlar.

Sosial proqram çərçivəsində güzəştli mənzil əldə etmək hüququna malik vətəndaşlar arasında belə fikirlər var ki, mənzillərin ucuz qiymətlərə satışının həvalə olunduğu şəxslər arasında korrupsiya faktları mövcuddur. Belə vətəndaşlardan biri aşağıdakı videoyazıda baş verənlərdə prezidenti ittiham edir:

https://web.facebook.com/achiqazerbaycan/videos/1483182211782203/?q=sosial%20m%C9%99nzil

Multimedia kommunikasiyaları sahəsində ekspert Osman Gündüz hesab edir ki, yaranmış vəziyyətdə MİDA üçün ən yaxşısı mənzil satışından imtina etməkdir. Ekspertə məlum olduğuna görə, sistem hərtərəfli yoxlanılıb, sınaqdan keçirilib, səhv aşkar edilməyib. Problem sistemə girişdə, konkret olaraq sistemə sanksiyalaşdırılmamış girişlərdən müdafiə proqramında yarana bilər. Yəni, əlavə ehtiyat tədbirləri güzəştli mənzillərin onlayn satışını həyata keçirən sistemə girişi bloklayıb.

Ekspert Osman Gündüz güman edir ki, vətəndaşların sayta daxil olaraq Azərbaycan Respublikası Mənzil İnşaatı Dövlət Agentliyinin (MİDA) mənzillərini seçməsi üçün proqram təminatı yenidən pozulub.

İlk dəfə sistemin pozulması 2018-ci ilin mayında baş verib. Portal həddindən artıq yükləndiyindən güzəştli mənzil almaq hüququ olan vətəndaşların çoxu sistemə girişlə bağlı problemlə üzləşib. Mənzil İnşaatı Dövlət Agentliyinin bəyanatında deyilib. "Güzəştli sistem"də baş vermiş yalnışla əlaqədar sistemə düşə bilən 1963 vətəndaşa yalnış bildiriş göndərilib. Onlardan 260-ı mənzil seçimini imzalayıb təsdiqləyə bilib. Texniki problemlərə görə 1703 nəfər prosesi başa çatdıra bilməyib. Elektron imza və mənzil seçimi prosedurunun növbəliliyi pozulub. Komissiyanın keçirdiyi araşdırmaların yekunlarına əsasən, eləcə də rəylərin və hesabatların əsasında məlum olub ki, sistemə kütləvi daxilolmalar və texniki səhvlərlə əlaqədar "Elektron hökumət" portalına müvəqqəti daxil ola bilməməyin nəticəsində ilkin satış zamanı mənzil seçimi imkanları istifadəçilər üçün bərabər olmayıb. 07.05.2018 tarixli mənzil seçiminin nəticələri ləğv edilib.

Ölkə prezidentinin 16 noyabr 2016-cı il tarixli 1113 saylı fərmanına əsasən Mənzil İnşaatı Dövlət Agentliyinin sərəncamında olan mənzillərin əldə edilməsi "Elektron hökumət" portalında (www.e-gov.az) yaradılmış "Güzəştli mənzil" sistemi vasitəsilə elektron qaydada həyata keçirilir.--0--

* * *

2018 Sentyabr 05 (Çərşənbə) 16:39:32

Məktəb direktorları "əlverişli növbə"də dərsə görə preyskurant müəyyən ediblər

Bakı/05.09.18/Turan: 15 sentyabrın - məktəblərdə ilk dərs gününün yaxınlaşması ilə bəzi valideynlər öz övladlarını Bakının mərkəzindəki rusdilli məktəblərin birinci siniflərinə qəbul etdirməyin yollarını axtarırlar. Belə ki, rus dilində tədrisin aparıldığı siniflərin pullu əsaslara keçirilməsi barədə deputatın bəyanatı ajiotaj doğurub. Valideynlər düşünürlər ki, bu təklif boşuna səslənməyib və dövlət tərəfindən qəbul ediləcək. Yeni qərar qəbul edildikdən sonra isə ödəniş haqqını birinci sinfə geden uşaqlardan alacaqlar. Odur ki, öz uşaqlarını yeniliklər qəbul edilməzdən öncə belə məktəblərə düzəltməyə çalışırlar.

Rusdilli məktəblərə şagird axını bu məktəblərdə yer çatışmazlığına səbəb olub. Və məktəblərdə ikinci, hətta üçüncü növbələrdə, saat 16:00-dan 20:00-a qədər dərs saatının açılmasına gətirib çıxarır. Bəzi məktəblərin direktorları sinfin birinci, hətta ikinci növbəyə təyin edilməsinə görə qanunsuz haqq alır. Üçüncü növbə pulsuzdur. Bu barədə kriminal mövzular üzrə ixtisaslaşan tanınmış jurnalist Facebook səhifəsində yazıb.

"Bizim 275 saylı məktəbin əvvəlki direktorunun təyin etdiyi növbəni valideynlər qəbul etmək istəmirdi. Sonra pul tələb etdi. O direktor işdən çıxarıldı. Ancaq buna qədərsə tam proqram üzrə özbaşınalıq etdi. Uşağı başqa məktəbə keçirmək üçün sənədləri mənə vermədi. Yarım saat içində sənədlər hazır olmasa, başına nələrin gələcəyini ona anlatdım. 10 dəqiqəyə bütün sənədlər hazır oldu. Əgər kimsə etiraz edirdisə, sözü bu idi: "hara istəyirsən, get şikayət elə", - valideyn Fəxri Ağayev yazıb.

Hazırda bu məktəbin yeni rəhbəri var. Hamı çox razıdır, - o əlavə edib.

Valideyn Ümidə Hüseynova bildirib ki, Bakıdakı 11 saylı məktəbdə sinfin "yaxşı növbəyə" təyin edilməsi üçün iyun ayından pul yığıblar.

Valideyn Bəhruz Salmanov da bunu təsdiqləyib: "Bəli, mən də bu yaxınlarda bilmişəm".

Turan agentliyi məsələ ilə öz mənbələri ilə maraqlanıb, uzun illər Bakının mərkəzindəki məktəblərdən birində çalışan müəllimin fikrini öyrənib. Mənbə deyib ki, əlverişli növbəyə görə rüsvət alınması "hər zaman olub".

Təhsil Nazirliyindən Turan-ın sorğusuna cavab olaraq bildiriblər ki, valideynlər nazirliyin Telefon Məlumat Mərkəzinə müraciət edə bilər. Əgər araşdırma zamanı rüşvət faktı təsdiqlənərsə, günahkar cəzalandırılacaq.