![constcourt.gov.az](https://turan.az/resized/media/2022/main/062200047321-750-500-resize.webp)
constcourt.gov.az
Hakimlərin əmək haqlarının artırılması korrupsiyanın və ali icra hakimiyyətindən asılılığın əlacı deyil
Bakı/22.06.22/Turan: Azərbaycanda məhkəmə sədrlərinin və hakimlərin maaşları artırılır. Bununla bağlı "Məhkəmələr və hakimlər haqqında" qanuna dəyişiklik təklif edilir.
Qanuna dəyişikliyə əsasən, Ali Məhkəmənin sədrinə 3550 manat maaş verilməsi təklif edilir. O cümlədən, qüvvədə olan qanuna görə, Ali Məhkəmənin sədrinə bir aylıq vəzifə maaşı həcmində əlavə də ödəniləcək. Nəticədə Ali Məhkəmənin sədrinə vəzifə maaşı və vəzifə maaşına əlavə olmaqla, ümumilikdə aylıq 7 100 manat ödəniş veriləcək.
Bəzi ekspertlər hesab edirlər ki, hakimlərin maaşlarını artırmaqla bu sahədə korrupsiya hallarının qarşısını almaq olar. Digərləri isə düşünürlər ki, problem daha dərindir.
Məhkəmə-Hüquq Şurasının məlumatına görə, qurumun fəaliyyəti dövründə (Məhkəmə-Hüquq Şurası 2005-ci ilin fevralında fəaliyyətə başlayıb) korrupsiya hüquqpozmaları ilə bağlı 43 hakim intizam məsuliyyətinə cəlb edilib, 9 nəfərin səlahiyyətlərinə vaxtından əvvəl xitam verilib, 13 nəfər tutduğu vəzifədən azad olunub.
"Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı" üzrə Tədbirlər Planında da Azərbaycanda dövlət orqanlarında (qurumlarında) çalışan işçilərin, o cümlədən hüquq-mühafizə orqanları əməkdaşlarının, Korrupsiyaya qarşı mübarizə üzrə Komissiyanın Katibliyinin işçilərinin, habelə hakimlərin sosial təminatının yaxşılaşdırılması və korrupsiya hüquqpozmalarının qarşısının alınması fəaliyyətinin gücləndirilməsi məqsədilə həmin şəxslərin əmək haqlarının mərhələlərlə artırılması üzrə tədbirlər davam etdirilməsi nəzərdə tutulub.
Milli Məclisin İnsan hüquqları Komitəsinin üzvü Fazil Mustafa Turan-a bildirib ki, məhkəmə hakimlərinin maaşı ən yüksək səviyyədə olmalıdır. "Korrupsiyanın kökünü o kəsə bilər. Hakim indi 4-5 min arası maaş alır. Onun da yarısı kargüzarlıq işlərinə gedir və çox vaxt məhkəmə işçilərin maaşları aşağı olduğuna görə hakim öz cibindən ona vəsait ödəməli olur. Ona görə də hakimin rüşvət almaması üçün birinci növbədə onun əmək haqqı yüksək olmalıdır".
Deputat qeyd edib ki, indiki mərhələdə artım 10 faiz olacaq. "Bu, o qədər də böyük artım deyil. Mənim fikrimcə, daha çox olmalıdır. Çünki hakimlərin birinci növbədə təminatı yüksək olmalıdır ki, rüşvətə bulaşmasınlar".
Hüquqşünas Xalid Ağalıyev isə bildirib ki, ümumilikdə hakimlərin maliyyə müstəqilliyi çox yaxşı cəhətdir. "Yəni onların kimdənsə, hansısa qurumlardan asılılığını aradan qaldırmaq üçün onların normal maaşla təmin olunması çox vacib elementlərdəndir".
Lakin, bununla yanaşı, ekspert hesab edir ki, Azərbaycanda hakimlərin maaşlarını artırmaqla məhkəmə sistemində olan problemlərin ortadan qalxacağını düşünmək ağlabatan deyil. "Çünki Azərbaycanda məhkəmə sahəsində olan problemlər ümumi siyasi sistemdən qaynaqlanan problemlərdir. Məhkəmələr, demək olar ki, icra hakimiyyətinin təsiri altındadır. Ona görə də, fikirləşmirəm ki, maaşların artırılması məhkəmə sistemində olan problemlərin aradan qaldırılmasına təkan verə bilər".
-
- Cəmiyyət
- 22 İyun 2022 16:32
-
- İqtisadiyyat
- 22 İyun 2022 16:34
Cəmiyyət
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
Cəmiyyətdə aqressiyanın artmasının səbəbi nədir? – Samirə Qasımlı Çətin sualda
Audio xəbər
Xəbər lenti
-
- Cəmiyyət,
- 13:36
- 127
Rəy yaz