Açiq mənbələrdən foto.
Bakı/23.09.22/Turan: 23 sentyabrın axşamdan başlayaraq sentyabrın 26-na qədər Azərbaycanda qeyri-sabit hava şəraiti gözlənilir, havanın temperaturu 10-12 dərəcə enəcək, küləyin sürəti güclənəcək, yağıntı olacaq.
Ekologiya və Təbii Sərvətlər Nazirliyinin sinoptikləri bildiriblər ki, sentyabrın 24-nə keçən gecə Bakıda və Abşeronda şimal-qərb küləyinin sürəti saniyədə 15-20 metrədək güclənəcək, arabir 25-28 metrə çatacaq.
Sentyabrın 25-də gecə və səhər küləyin sürəti saniyədə 30-33 metrədək güclənəcək, Milli Hidrometeorologiya Xidmətinin məlumatında deyilir.
Sentyabrın 25-də Abşeronda yağış yağacağı gözlənilir.
Havanın temperaturu tədricən 10 dərəcəyədək enəcək. Belə ki, sentyabrın 24-də günorta müsbət 23 +25, sentyabrın 25-də isə müsbət 20 +22 dərəcə olacaq.
Ölkə rayonlarında küləyin sürəti saniyədə 15-20 metr olacaq, bəzi yerlərdə isə 28-33 metrə çatacaq. Havanın temperaturu 8-12 dərəcə enəcək.
Çaylarda sululuğun səviyyəsinin artması ehtimalı var ki, bu da dağ çaylarında qısamüddətli daşqın və selə səbəb olacaq.
Fövqəladə Hallar Nazirliyi hava şəraitinin pisləşməsilə əlaqədar əhalini qabaqlayıcı tədbirlər görməyə çağırıb. 05В06
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz