Açiq mənbələrdən foto.
Həbs edilmiş fəala atası ilə görüş verilməyib
Bakı/21.07.22/Turan: Müsavat Partiyasının fəalı, İyulun 20-də quru sərhədlərin açılması tələbilə keçirilən etiraz aksiyası zamanı 30 sutkalığa həbs edilmiş Əziz Məmiyevə təcridxanada atası ilə görüş verilməyib. Bu barədə fəalın atası İltifat Məmiyev bildirib.
O qeyd edib ki, bu gün Daxili İşlər Nazirliyinin İnzibati Həbs Olunanların Saxlanma Məntəqəsinə gedib. Lakin xüsusi karantin rejimi bəhanəsilə oğlu ilə görüşdən imtina ediblər.
İltifat Məmiyev oğlunun taleyindən narahatdır.
Öz növbəsində Daxili İşlər Nazirliyinin mətbuat xidmətinin nümayəndəsi Zeyni Hüseynov Turan-a bildirib ki, Binəqədi məntəqəsindəki məhbuslarla görüşmək üçün öncə Daxili İşlər Nazirliyinə müraciət etmək lazımdır.
Müraciətə baxıldıqdan sonra müvafiq qaydada cavab veriləcək.
Hüseynov Məmiyevin saxlanıldıqdan sonra polisdə döyülməsi barədə sosial şəbəkələrdə yayılan məlumatları da təkzib edib.
Əziz Məmiyev iyulun 20-də Nazirlər Kabinetinin binası qarşısında aksiyaya gedərkən saxlanılıb. Həmin gün Səbail Rayon Məhkəməsi onu İnzibati Xətalar Məcəlləsinin 535.1-ci maddəsilə (polisə tabe olmamaq) 30 sutka həbs edib.—06B-
-
- Cəmiyyət
- 21 İyul 2022 17:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz